كيف أتزوج؟

السلام عليكم ورحمة الله وبركاته

أعرفكم بنفسي أختكم بالله عانس وما عمري انخطبت والحمد لله على كل حال
ما تخيلت بيوم اني بيتأخر زواجي
كنت مقتنعة بنسبة 100% اني بتزوج قبل لا أكمل الـ22
مرت السنين وكملتها وعديت 23 و 24 و 25 و26 و 27 و 28 و 29
ودخلت الـ30 من أوسع أبوابها وعديتها <<<< ما تبي تقول عمرها (سر)

الزبده أبي أعرس
أستحي أقول لأمي وأهلي هالشي
لكنكم هنا ما تعرفوني

عمري ما صادقت وحدة عشان أخوها ولا تلصقت بعجوز ولا ترززت بعروس
أنا انسانه ثقيلة ولاني كثيرة سواليف ولا أحب أغلط على أحد ومحترمه الجميع الكبير والصغير


أول مراحل الزواج اني أنخطب وأنا وحدة عمرها ما انخطبت فأبيكم الله يعافيكم تعلموني
هل في صفاتي شي يخلي الناس تنفر مني؟ أو ما تخطبني؟
كيف أجذب الناس لي وأخليهم ينتبهون ان فيه وحدة قدامهم ولازم يخطبونها

أبي أعرف شلون انخطبتوا ومن وين؟
يعني من طرف صديقة، قريبه، من الرجال ربع الوالد أو الاخوان؟
أو من العروس والمناسبات الاجتماعيه؟
وكيف تنبهوا الناس لكم؟

أبي أبذل الأسباب مو حل اني أجلس أنتظر ولو بيفيد كان ما عنست
فالله يعافيكم انصحوني ومالكم إلا الأجر من رب العالمين

72 تعليق 88,487 مشاهدة

شاركي في النقاش

سجلي الدخول لإضافة تعليق.

التعليقات

70
  1. @non_alnh

    الله يرزقج بالزوج الصالح..يمكن قلة اختلاطج بالناس هي السبب مخيلتهم يعتقدون انج معقده وماتصلحين للزواج لذلك حاولي تغيرين من علاقتج بالناس وتصيرين اجتماعيه اكثر..اما عن طريقة زواجي هم اقاربنا من بعيد اجو زياره لبيتنا وشافوني وبعد سنه اجو خطبوني .
  2. @baby_sitter

    صاحبة الموضوع
    نون النه
    الله يرزقج بالزوج الصالح..يمكن قلة اختلاطج بالناس هي السبب مخيلتهم يعتقدون انج معقده وماتصلحين للزواج لذلك حاولي تغيرين من علاقتج بالناس وتصيرين اجتماعيه اكثر..اما عن طريقة زواجي هم اقاربنا من بعيد اجو زياره لبيتنا وشافوني وبعد سنه اجو خطب…
    آمين شكراً أختي على النصيحة والرد
    سأحاول أن أزيد نسبة اختلاطي بالناس وأوسع علاقاتي الاجتماعية
  3. @asiatic_lily

    اغلبنا يقرب لها ..


    اما غيره الي اعرفه خطابه
    تحطين الشروووط الي تبيها وتجيك حسب الموصفات


    بس دوري لك وحده ثقققه ولو اعرف ارقام مابخلت عليك


    والدعاااااء هو السر اكيد

تابعي تجارب أخرى من هذا القسم.