شاركي في النقاش

سجلي الدخول لإضافة تعليق.

التعليقات

2,038
  1. صاحبة الموضوع
    don
    صباح الفل يا بنااتبقالى يومين اساسا مش عارفة ادخل النت المنتدى خالص انا مش عارفة كل اللى دخلوا امبارح بيعرفوا يدخلوا ازاى ؟؟؟؟؟؟ المهم وحشتونى وصباح الفل عليكم كلكم بالنسبة لموضوع رانيا انا لسة مرديتش ومش شرط انى اعرف الموضوع اللى كان فيه …
    صباح الفل ياسمسمتى الحمدلله الولاد نجحوا وعقبال كل سنة يارب خلى الواحد يخلص بقى دة التعليم دة حاجة تقرف دة انتم الله يكون فى عونكم على المسيرة بتاعتكم وربنا يقدركم عليها

    ياااااااااااااروشانا يااااااااااروشانا بعد ازنك ممكن اخد الفرخة اللى فى الصورة دى ؟؟؟ فكرتنى بفراخ زمان لما كانت الفرخة تبقى واقفة وراسها لفوق وملية مركزها مش زى الفراخ المسلولة بتاعة دلوقتى :(

    فكرتينى لية ياروشانا حرام عليكى بقى حسبى الله ونعم الوكيل طبق البيض اللى انا عيط علية لما بقى تمنه 17ج اشترية من يومين ب 20ج ؟؟؟؟؟؟؟؟؟ حسبى الله ونعم الوكيل
  2. @am_abyha74

    صباح الفل يا دينا عاملة ايه ؟
    انزل العلم في توقيعي ازاى تعرفي؟

    شيري وسمسمة
    انا لاقيت النمرة مع واحدة زميلتي وبعثتهالكم على الخاص
  3. ابعتهالى انا كمان يا فاطمة لو سمحتى
    فى حد منكم يعرف شركات توظيف بتوظف خارج البلاد
    ما تنسوش تدعولى
  4. @davincicode

    السلام عليكم و رحمة الله

    ازيكم جميعا؟؟ معلش انا مقرتش الصفحات الكتير اللي كتبتوها و لا قادرة احفظ الاسماء الكتير اللي هنا (ما شاء الله) لكن تسمحوا لي اشترك معاكم في الحوار؟؟ انا ملاحظة انكم بتتكلموا في متفرقات يعني سهل الواحد يدخل يتابع معاكم و الا ايه؟؟

    لفت انتباهي زعل الاخت لؤلؤة و حبيت اقولها ربنا يفرج كربك و همك و يصبرك انتي و زوجك و يبعد عنكم الهم و الحزن. كتري من الدعاء و لو مش عارفة ادعية تفريج الهم و الكرب قوليلي و انا اكتبهم لك و منهم "لا اله الا انت سبحانك اني كنت من الظالمين" و كتري من الاستغفار. حاولي تقري قرآن كتير او على الاقل شغليه في الراديو او الكاسيت او قناة مجد كلها قرآن

    تقريبا سبانيش فلاور اللي اقترحت نعمل جدول عبادات؟؟ طيب يا سبانيش ايه رأيك انا شخصيا في الجزء التالت في المصحف حاليا، ياللا كل واحدة فينا تمسك مصحفها و تبدأ تقرا، اللي واقفة على جزء معين تكمل لحد ما تختم و اللي مش بتقرا من فترة تبدأ من اول خالص. نحاول نقرا كل يوم جزء و اللي تقدر تقرا اكتر اوكي و اللي حتقدر على صفحة واحدة اوكي، احنا بنيسر مش بنعسر. المهم نقرا و كل واحدة تيجي هنا تاني يوم تثبت حضور و تقول قرأت ايه، اتفقنا؟؟ اللي عندها ظروف تمنعها من القراءة تمسك تفسير القرأن و تقرأ و اللي مش عندها كتب تفسير في البيت تقرأ من على النت و يبقى برضه استفدنا، صح؟؟ و اللي بتركب مواصلات لمسافات طويلة يبقى معاها مصحف صغير او كتيب اذكار و ادعية (حصن المسلم رائع) في شنطتها و تطلعه و هاتك يا قراءة، و اللي بتطبخ في المطبخ و عندها فاصل بين تحضير حاجة و التانية برضه في ايدها حاجة تقراها، و اللي في المطبخ و مفيش فرصة تقرا يبقى جنبها الكاسيت فيه شريط قرآن و تكرر ورا القارئ او تردد بلسانها الادعية و الاستغفار و الاذكار، ايه رأيكم بقى؟؟؟

    يا رب اكون اقترحت حاجة مفيدة و ان شاء الله انا لما اقرأ حاجة حاقولكم قريت ايه. و بالمناسبة دي انا لسه سامعة الصبح شريط لسورة يوسف للقارئ مشاري راشد العفاسي و ما شاء الله قراءته حلوة اوي و ان شاء الله حأدور على الشريط و اجيبه لاني باحب السورة دي جدا (طبعا بأحب كل سور القرآن لكن بيعجبني أسلوب القصص في السورة دي بالتحديد)

    دمتم جميعا سعداء و يظلكم و أنا معكم رضا الله

تابعي تجارب أخرى من هذا القسم.