عمري داخلة بالثلاثين و لا عمري طبخت وما اعرف اسوي ولو اكلة وااااحدة

ربي يسعدكم زي ما اسعدتوني و رديتولي الامل 
ظنيت بس انا تزوجت و انا ما اعرف اطبخ
الاخت اللي قالت حياتنا غريبة كل انسان يعيش باللي يناسبه انا حطيت سؤال عشان استفيد من تجارب البنات و اعرف كل واحد من وين تعلمت مش عشان آخذ آراء في حياتنا اذا عادية او لا بس مشكورة على مداخلتك الطيبة و بالمناسبة حبيت انوهلك انه بين ال 28 و ال 30 سنتين ....
شكرا لكم بنات راح ابدا بالاساسيات الارز او الكبسة و المكرونة و غيرهم 
و بعدين ان شا الله احاول اتفلسف شوي مع الاطباق الغريبة و الحلويات و كدا
دعواااااااتكم

افتحي يوتيوب وطبقي
بالنسبة للرز خذي مثلا كاسة ونصف حسب كمية الي تأكلونه واغسليه بالماء بوضع صبعك فيه وتحريك الماء ثم اسكبيه ثم اغسلي بنفس الطريقة أربع مرات وتركيه مدة عشر دقائق لو رز بسمتي
وبعدها حطي عليه الماء وزيدي اثنين سنتيمتر وعلي عليه النار وحطي ملعقة صغيرة ملح وملعقتين طعام زيت ولما يقل الماء هدئي النار جدا ورشي عليه ربع كاسة ماء وغطيه واتركيه مدة خمس دقائق وبعدها قلبيه فوق تحت وبعدها غطيه واتركيه دقيقتين وبعدها بالعافية
يطلع لك رز أبيض يؤكل مع الإيدامات

وأما المعكرونة
فخذي قدر وحطي فيها ماء واتركيه يغلي وحطي عليه ملعقة طعام ملح وبعدها حطي المعرونة وانتظري إلى أن تنتفخ ولما تأخذي حبة منها وتحاولي تكسريه تتكسر بسهوله فهنا صفيه في صفاية
وتصير جاهزة مسلوقة للحمصة
يعني ممكن تحمري البصل وتحطي طماطم وثوم وبهارات وملح ومعجون الطماطم ومع تونة وقلبيه شوي خمس دقائق تقريبا وحطي عليه المعكونة المسلوقة


وأعطيك طريقة أيدام سهل جدا
خذي صينة فرن وحطي فيها دجاج يكون مقطوع قطع بدون جلد ( بأن تقطعيه نصفين أولا ، وبعدها قسميه أرباع بأن تفصلي الفخذ عن الصدر ) وحطي فيها بصله مقطع بأي طريقة وأفضل شرايح وحطي فيها بطاطس مقطعة مكعبات وحطي عليه فلفل رومي نصفه أو ربعه ومع ثوم مقطع ( ممكن أربع فصوصو) ، وحطي عليه شبث إن حبتيه ، وحطي طماطم حبيتين مقطوعة ومطونة في الخلاط ، وحطي أربع ملاعق معجون طماطم مع بهارات مطحونة جاهزة ملعقة ، وملعقة ملح وحطي جزر مقطع شرايح وممكن تحطي قرنبيط شوي ، وحطي عليها موية مغليه ،مقدار ثلاث كاسات وعليها زيت مقدار أربع ملاعق طعام وغطيه بورق القصدير وافتحي الفرن بعد تسخينه وحطيه فيه وخليه ساعة في الفرن وبعدها كلوها وبالعافية مع الرز

هلا اختي عندي لك نصايح و****لله تستفيدين

اول الشي الطبخ يبيله صبر يعني اذا استعجلتي عالطبخه وعليتي النار رح تحترق

اول شي اذا جيتي تسوين الكشنة :

البصل والثوم قشريهم واغسليهم و قطعي البصله بالنص بعدين كل نص قطعيه ارباع وحطيهم بفرامه البصل مع الثوم

وبعدين حطيهم عالنار مع شوي زيت والملح عشان الملح يخلي البصل يطلع مويته .. والنار عاليه قلبيهم دقيقتين بعدين وطي النار خليها وسط تميل للهاديه وغطي القدر وكل دقيقتين ارفعي الغطا وقلبيه وارجعي غطيه حتى يذبل ياخذ 5 دقايق تقريبا واخر شي ارفعي النار وقلبيه دقيقه وحطي عليه اللحم او الدجاج او الربيان المغسولين والمنظفين سواء كانو قطع كبار بعظم او مفروم .. الخ . وقلبيه حتى يتغير لونه بعدين هدي النار

الحين دور معجون الطماط تحطينه وتقلبينه بعدين تحطين الطماط والبهارات المطحونة .. اذا بتحطين بهارات مو مطحونه يوم تكونين توك جالسه تحمرين البصل بعد ال 5 دقايق ورفعتي النار حطيهم وقلبيهم دقيقتين مع البصل ثم ضيفي اللحم

بعد ماتحطين الطماط غطي القدر وهدي النار حتى يتسبك الطماط ياخذ منك 3 دقايق تقريبا
بعدين ضيفي المويه وارفعي النار حتى تغلي بعدين خلي النار هااااديه حتى يستوي اللحم

انا عطيتك بشكل عام كيف تكشنين لما تكون عندك مقادير

الشي الثاني لما يكون عندك جزر مبشور وفليفله مقطعه وفطر هذولا تحطينهم بالبدايه مع البصل وتكشنينهم عادي زي ماقلت لك قبل شوي في ناس تحطهم بعد ماتكشن البصل بس انا احطهم من البدايه اسرع

برضو لااااااااازم تذوقين الاكل عشان تضبطينه اذا ناقصه ملح او بهار واذا جيتي تزودين تحطين شوي بس ماتكثرين واخلطيه دقيقه بعدين ذوقي مره ثانيه

اذا بتسوين بشاميل ولا مهلبيه لازم تقلبين علطول عشان مايتكتل عندك وتخلينهم على نار هاديه تميل للوسط وتقدرين تتركينه دقيقه وترجعين تقلبين بس مو اكثر

اذا جيتي تسلقين المكرونه بعد ماتغلي المويه حطي المكرونه وشوي ملح وشوي زيت وقلبيهم بالملعقه الخشب وخليهم ع نار عاليه ولازم قدر كبير تكون المويه بالكثير توصل ثلثين القدرعشان ماتطلع رغوة المكرونه برى القدر وشيكي عليها بعد 10 دقايق وعطيها تقليبه و اذا باقي ماستوت ارجعي شيكيها كل 5 دقايق وناظري الساعه عشان تعرفين كل نوع مكرونه كم اخذ منك



بالنسبه الكيك لازم وصفه ناجحه والفرن تشغلينه بعدين تحضرين المقادير وتحطينها في صينيه مدهونه بزيت ومرشوشه بطحين بعدين اقلبي الصينيه ودقيها عشان الطحين الزايد ينزل منها

ولما تحطينها فالفرن انتبهي ماتفتحين عليها باب الفرن قبل مايمر عليها ثلث ساعه عشان ماتهبط وحطيها فالرف الاوسط فالفرن هي والمعجنات لاتنزلينهم تحت عشان مايحترقون من تحت

هذا اللي عندي الحين اذا عندك شي معين قولي لي وانا حاظره

ونسيت اقولك بالنسبة للرز اذا بتسوينه رز ابيض تغلين مويه وتحطين الرز المغسول وشوي زيت وملح .. انا ما انقع الرز في مويه قبل ما اطبخه .. وبس يرجع يغلي مره ثانيه احسبيه له 5 الى 7 دقايق والنار بعدها عاليه وذوقي الرز بتشوفينها بسرعه تنكسر ومو لينه بعدين تصفين الرز في صفايه وترجعينه فالقدر وتغطينه على نار هااااااااااديه مره وخليه 10 الى 15 دقيقه ويوم تفتحين القدر قلبيه بهدوءكأنك تطلعينه لفوق بالشوكه الكبيره عشان ماينكسر وينهرس

بالنسبه لرز الكبسه والرزوز اللي من طقتها هذي يبيلك تتعودين عليها وعلى حسب نوع الرز اللي عندك

انا بالعاده انقع الرز 10 دقايق بعدين اذا جهزت كاسة رز احط لها كاسة ونص من مرق الكبسه او المويه اللي عندك وتكوين المويه مغليه وتحطين الرز وبس تنزل المويه شويه تقرب توصل سطح الرز اغطي القدر واهدي النار مررررررره وبعد ربع ساعه شيكي اذا قاسي وناشف عطيه تقليبه خفيفه بالشوكه بس عشان تطلعين الرز اللي تحت فوق بس بهداوه و زيدي شوي مويه بياله او بيالتين ع حسب كميه الرزوارجعي غطيه واحسبي له 10 دقايق وشيكي عليه اذا ماكان ناشف قلبيه بس لاتزودين مويه عشان ماينهرس

وقصدي بناشف يعني ناااشفه مافيها لمعه بس اذا تحسين فيها نداوه لاتزودين المويه بس غطيها