تجمع التباشـ 7 ـير لاحلى مواليد ( نوفمــ11ــبر و ديسمـــــ12ـــــــبر)

ام شهودة

الله يهون عليك يارب الم الضرس وماعندي خبرة في المسكنات

حبيبه

كم عندك عيال مشاء الله

بنات الله يسعدكم على ردودكم علي

المشكله انا من النوع اللي احب الريلاكس والاسترخاء والمزاج الراااااايق والهدووووء اقدس الهدووووء

وجوي اللحين جاي عكس مزاجي ،، ماني قادرة اتأقلم مع وضع الازعاج

اختي اسم الله عليها تقعد مع بناتي نص ساعه خلاص تتعود عليهم وعلى جوهم وتضحك علي تقول لسه ماتعودتي عليهم

اتمنى اتمنى اتمنى من قلبي يكون عندنا دروس و جلسات تعلمنا كيف نتصرف في مثل هالمواقف

والله الامومه صعببببه مع جيل سبيس تون والمحقق كونان

اذكر واحنا صغار بس نتخبى ورى امي اذا جاها ضيوف،، واذا احد قال لنا بوو صحنا من الخوف

بنات انا اليوم 22 يوم من النفاس

ايش استخدم غسولات غير الملح والمر ؟؟

ومعتمدة في اكلي الفلف الابيض

صباحححححووو


كيفكم كروووشاااات

غرورك و لالوشا ولدو شكلهم هع هع هع



ناني

انا مثلك بعد ولادتي الثالثه بعد مارجعت بيتي كان وضعي مثلك مخربط بس مع الوقت يتعدل ان شاء الله


مسكنك روحي

انا ناويه على الليزر لاني ناويه ماحمل خلاص او اطول وانا مثل ناني ماتخيطت بولادتي الاخيره مدري عنه بس كثير يمدحونه


ام برهوم

انا حملت بدون دوره يعني انتبهي اخذي المانع من الاربعين


يارب تكتب لي الولاده السهله الميسره في يوم هالجمعه ومن قالت امين ❤️


الحمدلله حتى يبلغ الحمد منتهاه 🎀

مرحبا.. صباح الخيرات..

كيفكم؟..

جلنار.. ام عمار.. ما شاء الله الحمد لله على سلامتكم وبيبياتكم.. الله يرزقكم برهم وصلاحهم..

عسوله.. الحليب بقدر الطلب يكون العرض استمري رضعي وخذي مدرات .. تمر.. حلبه .. يانسون.. طحينية.. مكسرات.. حليب.. وسوائل بشكل عام..

حبيبة.. ايوه ما ابي اولد اليوم ولا بكرا .. طروفي ما تناسب ابدددا.. وخلاص معوشرة بكل فخر .. اصلا خلصت ٤١ اسبوع ودخلت ٤٢ الحمد لله .. تجي معاي مغصات خفيفة وتحجر بس ما عزمت مررررره .. وانا ادعي ربي يأخرها..

عهد.. خخخخخ صرت مثلك .. بس مو عشان اجازة .. ابي اتاخر يومين اضافية لظروفي..

رفيف والي اشتكوا من مغص البيبيهات.. طبيعي جدا يصير للاطفال .. بس انتم حاولوا تعطوهم يانسون او نعناع.. واسدحوهم على بطونهم وطبطبوا .. والتمرة ما انصح فيها للي معاهم مغص لانها تزيده من تجربتي.. اذا خف المغص ممكن.. والاطفال يختلفون ممكن احد تريحه واحد تزيد عليه..

الاميرة.. الحمد لله الي ربي سهلها وفرجت..

تاليا.. الله ييسر امرك ويتمم حملك على خير .. ارتاحي تماما لعلها تتاخر شوي الولادة.. وخذي ابرة الرئة واذا دخلت التاسع ولو باوله باذن الله ما تحتاجي حضانة.. او كان وزن البيبي فوق ٢ ك .. حسب كلام الامهات هنا..

الي يشتكوا من ترهل الصدر.. ضريبة الامومة مثل الكرش والتشققات بس الاهتمام والرياضة مررررة تفرق .. من الاهتمام انك بعد كل تحمم بماء دافي لازم تختمي بماء بااااارد حتى يشد المنطقة .. واحنا الان ببرد فتلاقي الاغلب تتحمم بدافي وتطلع .. وهذا يزيد الترهل.. ما انصح بالخل لان له مصايب كثير.. وسووا بحث عنه..

بنت الرياض.. من اول التجمعات كنت كاتبة طريقتي لكم للوقاية من الشمم باذن الله بس دعواتكم للوالدة بالرحمة وان الله يرفع منزلتها بجناته.. هي الي معلمتنياها عساها بالفردوس الاعلى.. الطريقة تاخذي قطن وتحطيه بكيس وتبخي من كل العطورات الي عندك فرنسي مخلطات ثقيل خفيف .. نسائي .. رجالي .. وتسكري الكيس باحكام.. وكل اسبوع تقريبا اوخمس ايام تفتحي وترجعي تكرري العملية .. وتخليه بسنطة المستشفى ولما تولدي بالسلامة ويخيطوك انا حتى قبل انتقل للتنويم اخذ القطن واحطه عند صدري وتحت رقبتي وكذا .. تصير ريحتي عطرية وفي نفس الوقت توصل للجرح ويعتادها..
اما العلاج فيما لو لا قدر الله صار وجاك شمم احنا نستخدم منقوع المقل تلاقيه عند العطارين تشربي منه سوي وتشميه.. اما المرة فتتعاوض مع المصادات عشان كذا نستخدمها شم بس او مقوعتها حوالين الجرح ..

ويا ام شهوده .. اتوقع معاك شمم .. استخدمي الطريقة الي فوق .. عاد الاسنان عذاب الله يرحمنا برحمته..

ام يامن.. انا قلت لدكتورتي ابي طلق صناعي وكذا.. ورفضت تقول دام امورك وامور البيبي كويسة ما راح اندخل لما تعدي عشرة ايام تقريبا.. وموعدي بكرا باذن الله .. بشوف وش يصير ..

لالوشا.. الله يحفظ الوالدة.. انا عادة الخميس اطلع فانقطع عنكم.. (: وتلاقيني اذا رجعت افتح واقرا شوي شوي واذا جيت اكتب نصف الردود الي ابي اردها طارت..

تشيز كيك.. شكرا يا جميل .. بسالك معليش استحمليني موفرين كلوتات الاستخدام مرة وحدة؟ لانهم قبل يوفرونها بس ما ادري اخاف اتوهق ما شريتها .. والحمد لله على سلامة الدكتورة..

رونق.. انت سالت عن سفر ساعة ونصف.. اولا اسالي دكتورتك.. ثانيا.. اذا ما معك اي اعراض فاتوقع عادي جدا بس ريحي ومددي رجولك بالسيارة وينتبه الي يسوق من المطبات والحفر وكذا يعني يسوق بحذر.. وانزلي كل نصف ساعة امشي شوي.. وتوصلون بالسلامة..

موناليزا.. استخيري والله يختار لك الخيرة وسوي الي قلت لرونق عنه ^^^^..

هذا الي اتذكرته .. جالسة اعصر مخي واجمع الردود.. البارح نمت وانا اقرا (:

ناني.. الله يكون بعونك.. والشقة مهما يكون لازم ازعاج.. لان المكان صغير.. والجيل هذا اسم الله عليهم فيهم طاقة زايدة.. وانا مثلك اقدس الهدووووء .. لدرجة اذا ناموا الله يصلحهم ما ابي اطلع ولا اروح ولا اجي الي اتمدد بمكاني وايتمتع بالهدوء ولو نصف ساعة.. الله يصلح لنا ولكم ما عطانا..
والبيببي الجديد دايما تاخذي وقت لما تعتادي عليه..