~~ملف العمل بالاسباب لانجاب الاشبال تباشير فرح وتجارب ناجحة~~\\استوفى الرد

الفوار تقصدين يوراليت ؟
معليش غلبتك بكثره اسألتي الله يرزقك من حيث لاتحتسبين

يب يب

بنات ليش ماحد رد علي ....
معقولة ماحد استخدم الغسول

ابشركم تحطمت وخلااااااااص بنسحب من الملف بتابعكم بصمت
امس اقول لزوجي شرايك اكل حبوب والا اتابع عند دكتوره
قال بس تبين تجيبين ولد اول وحده من اهلك تخيلو مخليني جالسه اتسابق مع اهلي
قلت اهلك كلهم عندهم اولاد من اسابق سويت نفسي مافهمت
انقهررررررت مرررره
قال لا يكفون هالبنات لين بعد كم سنه
بس انا قلبي يتقطع عالولد امس ضاق صدري وجلست اقول ليش ربي ماعطاني زي هالعالم سنتين ورا بعض اقاربي تولد ورا الثانيه ولد ولاوحده جابت بنت
لدرجة وانا حامل كلن باصم بالعشره اني بجيب ولد
نفسيتي تعبانه
صايره عصبيه واهوجس كثير
كنت بعتمد العزل بس خفت احمل
ماشاء الله علي الي جابت اول مولود والا ثاني مولود ولد وارتاحت
صار لهم سند وافتكو من النظرات والكلام
مجتمع يحسسنا انا بدون رجل او سند ولا شي مجرد كائن حي زياده
انا مااقول هالكلام الا من واقع تجربه البيت بدون ولد ولاسند همممممممم كبييييير .. عشت هالحاله وتزوجت وانا كلي امل اجيب لي سند وارتاح وكل الي عندهم ابو واخوان جابو اولاد وانا لاابو ولااخوان ماجبت ولد حتي اذا اجتمعنا عند امي نشيل هم لو تعب احد من بيودينا
مره تعبت ماوداني الا واحد من اقاربنا لان ماعندنا اولاد
يااااارب ارحمني احس اني منهاره ومقهووووره
انا ماكره البنات ودي اجيب اربع اولاد واجيب بنات عادي بس اهم شي لهم سند مايعيشون الي انا عشته


سامحوني بترك الملف واتابعكم بصمت
يارب تحملون باولاد سليمين معافين بارين يارب كلكم في شوال وذي القعده نفاس باولادكم بصحه وسلامه

نسوكه 

حبيبتي ربي يبارك في حياتج 
وربي يتمملج حملج بالسلامه ان شاء الله وتبشرينا بولادتج بالولد السليم المعافى يارب 

وربي يرزق أختنا حبر وورق ويشفي زوجها عاجلا غير اجل 

والله هالملف صار من اساسيات حياتنا لنا فيه رفقه ربي يرزقنا ويرزقهم الولد السليم المعافى 

للبنات اللي وصلوا مرحله تشتت وتوتر فالملف 
القضيه هني تجارب وجسم عن جسم يفرق في بنات جربوا آمور وربي رزقهم الحمل بالولد وناس جربوا تركيبه الدكتور عماد والحمدلله ضبطت امورهم من الله وحد مثل شموسه ربي كتب لها بنت 

نحن نجتهد بس مش كل شي منا بس ترا الزوج له الدور الأكبر وفوق هذا كله هذي أرزاق من رب العالمين ونحن مانعرف وين الخيره 

فطومه 
قلبي معاج انتي الأجواء اللي حولج توترج حاولي تقرين البقره يوميا تهدا نفسج ويخف التوتر 
وشوفي زوجج بنفسه قال انتظري كم سنه يكبرون بناتج وجسمج يرتاح وروحي سوي الطرق الممكنه للحمل بولد ان شاء الله ربي بيرزقج بس مع هالاكتئاب والتوتر النفسي ماراح تضبط معاج 
حاولي تسوين جو لنفسج لا تفكرين فالولد حاليا وكل حد يكلمج قولي بناتي لي سند وذخر وزوجج مابيقصر هو راعي البيت ليش تحطمين نفسج اذا الله مارزق امج عيال بس رزقها بعيال هم أزواج بناتها 
الدنيا بعدها بخير حبيبتي وان شاء الله بتجين بعد كم سنه تبشرينا بولي العهد ولا تزعلين