شاركي في النقاش

سجلي الدخول لإضافة تعليق.

التعليقات

13

  3. متنكره ومنهم انا
    اللهم صل وسلم على نبينا محمد
    ]أختي .. أنا زوجي فيه فصام
    أول سنتين لي معه كانوا صعبين عليه أكثر مما هي علي .. كان مشتت و خايف يعترف إنه مريض ياحياتي هو إلين شاف إني حابته مهما يصير و يوم قدرت أبين له حبي و أكسبه بكل الطرق سلم نفسه لي
    احتويه واكسبي ثقته بدل لا تجاكرينه في كل شيء صغير و كبير .. قوليله لو حاب إنك تصورين له فيديو أو تسجلين مقاطع صوت و توثقين له كل يومك و لو في يوم بغاك تصورين أو تسجلين فجأة روحي على طول مهما يكون اللي في يدك وروحي سويه و قولي وقتك و ساعتك و اليوم عشان ما يظنك مسجلته قبل بدل لا تقوليله أي شي تدافعين فيه عن حالك لإنه ماراح يفهمها إلا أنه تفكيره صح و أنتي تصارخين تبين تغطين على فعلتك ..
    بردي الأفكار المزعجة بدل تأججينها بتصرفات تريحه .. عامليه معاملة خاصة .. دلعيه مررة خليه يحس إنك تحوطينه بحبك .. كوني حنونة و رقيقة معه بالمعاملة لإنه مانه ناقص شد و صراخ و تعب يكفيه اللي هالك تفكيره .. سويله من وقت لثاني شيء يريح جسمه زي مساج بزيوت عطرية أو سبحيه و خليه ينقع بأعشاب تهدي الأعصاب ..
    خليك البلسمم اللي يطيب خاطره و يحسسه أحسن بدل لا تزيدينه لإنه يا أختي هو يمر بمعركة عقلية كل يوم من يفتح عيونه لين ينام .. طولي بالك و كوني صبوورة إلى أبعد درجة .. الصبر هو اللي بيخليه يثق فيك و يجيلك لا خاف من شي أو تهيأله شي .. لا وصل لمرحلة يسألك يا فلانة هذا الشيء اللي أشوفه صدق أو لا هذي أقصى الثقة و منها راح يتحسن مررة مررة مررة لإنه حاس بأمان و راحة .. لا كانت له بيئته مريحة و يقدر ينام قرير العين بيصير له قابلية أكثر للتحسن
    نقاط مهمة في كيفية التعامل:
    1- لا تقوليله إذا ما سألك إذا شي يتوهمه ماهو صدق لإنه مباشرة راح تدخلين دائرة الشك
    2- لا تتلفظين عليه بأشياء تجرح زي : يا مجنون , شكله المرض يتكلم أو أي من الألفاظ السيئة لإنه أولا هو صحيح عقليا اللهم بعض الأخطاء اللي تتصلح بالدواء اللي يناسبه و أشوف أنه من قمة الدناءة إنك زوجته و تعايرينه و ثانيا لو كان في نوبة يبيلك تهدينه مب العكس
    3- أفهمي إن المرض عقلي و لا يوجد له علاج الا الدواء
    4- لو قطع الدواء اعطيه اياه بالسر لين يرجع لحالة يمديك تتناقشين معها حتى يرجع ياخذ العلاج
    5- خلي صوتك على نبرة وتيرة هادية جدًا و ناعمة معه في اللحظات اللي تبدين فيها له العاطفة عشان يوم يكون في نوبة و سمع نبرتك الهادية يقدر يرجع للواقع من ذكرى إنك تحبينه و إنه غير وحيد
    6- نوميه .. لا نومتيه راح يحس بالراحة و الثقة لك أكثر
    7- لا شك في أكله أو لبسه أو في أشيائه بعد ترتيب و قال في شيء غير لااا تتكلمين أو تبررين غير بقولك ما أددري و بعدها بفترة مب بكم يوم خليه يجي يجلس عندك و أنتي تطبخين أو و أنتي تسوين أي شي عشان يتطمن إن كل شي تمام
    و زي ماهو
    8- شقتي صبر أيوم اضربيه بعشرة في التعامل معه لإن مريض الفصام يميل لكونه استفزازي
    9- مهمممم إننك ما تكلمينه أبدا أبدا أبدا أبببببدا أبدا عن العلاج و هو في نوبة لإنه راح يزييد أكثر
    10- اعرفي المواضيع اللي تدخله في نوبات ذهول الفصام أو الهذيان و تجنبيها تمااما
    11- أعرفي شخصية زوجك و اعرفي طريقتك الخاصة في تعاملك معها
    11- خذي وقت راحه من وقت لثاني و خصصي وقت لنفسك و إلا راح تنهارين مع الضغط

    أنا بالنسبة لي أعشق زوجي و لا عندي عيال فمتفرغة له و كل اللي أسويه عن حب و شغف و على قلبي زي العسل .. و تعبه يخليني أحس اني مستثناه يوم يثق فيني و أنا قد ثقته و أعطيه عيوني .. العناية بشخص تعبان يتطلب إخلاص عمل تام .. هو عمل كامل بمدار 24 ساعة لو حصل شيء واحد خطأ راح تعانين من وقت مرير عشان ترجعين تكسبين ثقته .. فكوني حريصة برقتك و راعي حساسيته و أمسكي لسانك عن قول شيء لا تعنينه لإن اللي يعاني من الفصام لا يوجد لديه كلمة عابرة كل شيء صحيح وله ألف معنى و وراءه قصة سيئة و خطة
    طبعا بما إنك مانك معتادة تعاملينه كذا ابدي بالتدريج مب فجأة عشان ما يجي بباله إنك ناوية تضرينه أو يخاف من التغير و يطلعك برا حياته تماما + العلاج في مستشفى الأمل الحكومي أفضل له بكثير من مستشفيات خصوصية مالها غاية غير المادية غير الدكاترة اللي في مستشفى الأمل من نخبة النخبة و بعضهم عندهم بروفسوراة في الطب النفسي
    لا دعمتيه معنويا قبل لا ياخذ العلاج راح يتحسن بشكل كبير و بتنذهلين من التغيير الجذري .. راح ترجع له روحه راح يقدر يعيش حياته و يشوف الألوان و تتضح له الدنيا .. راح يروح جمود العواطف و راح يكون أسهل بالتعامل بكثيير


    أتمنالك السعادة مع زوجك :hearts:

تابعي تجارب أخرى من هذا القسم.