بنات جاني شد والم بصدري من فعايل زوجي < مُعـدل

حبيبتي الي سويتيه كانت خطوة ايجابية تحسب لك
وحتى انتي عذرفة كيف تنظرين لها انها ايجابي يوم قلتي اقلها
حاولت وهو صدني

هذي نقطة قوة بعدين لك لو اتهمك بانك مطنشة تقولين انا حاولت
اكلمك وانت الي سحبت

انتي انصدمتي لان نيتك كانت كويسة وكان على بالك بيقدرمبادرتك
لكن مو مشكلة ممكن بعد فترة يبدا يراجع حساباته

المهم واهم شي ارجع اقول لك
انك تطلعين من حالة الوجع والالم الي انتي فيه
واصحي تتصادمين معه
اغراضك يجيبها برسالة ترسلينه له تعطينه كم يوم
ما جابها تروحين تكلمين اخوك يجيبها لك وتدبرين عذر ان زوجك مايقدر لاي سبب
ولا جابها اخوك ابدا لاتورين زوجك انك حصلتي علا الاغراض
ابدا لايدري فهمتي؟

ورددي هذا الدعاء ؛؛
اللهم ياوالي نعمتي وياملاذي عند كربتي اجعل نقمه زوجي بردا وسلاما علي كما جعلت النار بردا وسلاما على ابراهيم ..
وأستودعي الله عافيتك وهدوئك وطمائنيتك وراحتك بتحسين براحه ..
وكرري حسبي الله لا اله الا هو عليه توكلت وهو رب العرش العظيم . .

استغفر الله وش ه الكلام كسر خشمي
ومسحفيني البلاط ترى الرجال اغلبهم اذ كانو زعلانين عادي يقول ماني راد البيت وبتاخر وتراه قالها احسن من غيره غيره كل كلمه سبه
ي بنتي انتي كل القصه عصبيه واجد واجد وماعرفتي كيف مفتاح زوجتس
وحتى اعترفتي بذالك في ردك قلتي على كثر مشاكلنا ماقد كان قاسي مثل ها المره يابنتي والله ماحد بيده شي يغير لك حالك حلك بيدك وراجعي نفسك وغصب يكون قاسي مل من المشاكل ونكد مثل مامليتي انتي هذي مو بحياه
وترى اذ فكرتي انه تعاملينه مثل معاملته يمكن تخسرين اكثر الي ماحس فيك الان موحاس باسلوب العناد لان الرجال في هذا الشي بيكون اعند منتس
اذ تبين الحل ابقي اعملي كامل واجباتك وشوفي حياتك عادي واضحكي واخسريه طنشيه وان شاء الله بيرجع لك وادعي الله كثير والحي في الدعاء وقومي الليل ودعي الله انه يصلح لتس حالتس معه هذا اذ تبين تحافظين على بيتس
واذ لا خلاص خذ بنتس وروحي لاهلتس واحكي لهم كل شي وان شاء الله يوقفون معتس اذ مو متسنع هم يسنعون لتس ام كذا مارح يفيد
انا عارفه تنزلي موضوع تفضفي لاكن وش النهايه لازم تلاقي حل والحل بيدتس
وترى انا ما ارمي الغلط عليتس اعرف انو بعض اوقات تكون المراه مغلوبه على امراها ومظلومه لكن اي شخص عاقل اوشيخ بينصحك تصبرين ولاتقابلينه بنفس المعامله
ولاتخلين الرجال لند لك وتقولين ليه هو حلال له وان حرام علي
خلي قدوتك رسول الله صلى الله عليه وسلم ماقابل الكفار بنفس معاملتهم
عاد كيف اذ كان زوج وشريك حياتس
وصبر لابد من الصبر
الابتلاء كثير ومنهم مثلتس من تبتلي بزوجها
اذ تبين العيش معه ماعليتس الا الصبر والدعاء له بالهدايه وصلاح الحال
والله يسخره لتس ويصلح لكم حالكم
واعذريني ان كنت قاسيه عليتس افضل اكون قاسيه حتى تشوفي واين الغلط عندكم وتعدلينه
ولا اكون من الي يطبطبون على ظهرتس بدون اي فائده:pinklove:
وزينه تزين ان شاء الله

بنات انا رحت اقرأ موضوع عن الزوجة الشمالية والزوج الجنوبي
واكتشفت كم الاخطاء الكبير اللي صاير بيني وبينه بالعلاقه
وانا دايما اشوف نفسي زوجه مثاليه ومرتبه وست بيت
لكني جديه وبارده بمشاعري وما اعرف اتدلع
والجنوبي مفتاحه الدلال والاحضان والرومانسيه
واذا فقد هالشي كره زوجته وصار يفكر بغيرها
هذا كلام مره خطير
لان زوجي كان يموت فيني بس مع الوقت سحب علي
وصار مايهمه خاطري ولا يحسب لي اي حساب
مو لاني سيئه لا ابدااا.. بس نظرته للامور غير نظرتي
وانا نظرتي له مشوشه دايما لاني مو متقبله طباعه


الحين اسأل نفسي
هل وصلنا لهالمرحله؟ وهل زوجي صار يفكر بالبديل؟
هالشي شاغل بالي


والسؤال الثاني
هل استمر بتجاهل خدمته لانه اهاني وجرحني؟
انا صرت متردده رغم اني مجروووووحه منه

مشتاقه لشوفه ابوها
يعني قصدك اخدمه وارتب ملابسه واطبخ له؟
ولا كأن صار شي!!!
كذا بيفكر انه قدر يربيني وبصير بدون كرامه


بنات ردوا ارجوكم على هالنقطه

اخدمه والا اطنشه؟