بنات جاني شد والم بصدري من فعايل زوجي < مُعـدل

بتهونيها تهون بتكبريها تكبر
بحط لك اساسيات وامشي عليها ..
ادا جلستي معاه اتعوذي من ابليس وقولي لنفسك اهدئ اهدئ انتبهي تعصبي انتبهي لاتنفعلي خليك جالسه وكله هدفك ماراح اقوم إلا واحنا متراضين
كلميه بكل هدوء وابدئ كلامك بدلع بكلمة حياتي مثلا روحي وكملي كلامك بأنك مو قادره تستمري ع الوضع ونفسيتك تعبت وإني لو مااحبك ماجيتك وبدي الأثناء الله يخليك نزليلك دمعتين تدري اش حتسوي حتهزيه تدري ليش لأنه كجنوبي يشوفك صخره جامده لاتتأثر بالعوامل الخارجيه 😉بالآصح يشوفك اقسى انسانه
هوا كدا الجنوبي مالي شغل😂المهم هو حيبدأ يحزن شويه وجيبي راسه وقتها من كلام حلو الله الله لااوصيك رايح يسمعك بكل هدوء وحزن لآن نقطة ضعفه الدموع
بس الله يستر مايكون سيطرة علية شخصيتك لأن الجنوبي يتأثر بشخصية شريكة بنسبة كبيره
الله يسخره لك ويصلح مابينكم

الله يفرج همك ويسخره لك 
طمنينا عليك 
والله اني مجربه ذل الزوج لمى اجي اصالحه ويكابر ويطردني ويذلني 
وانا زيك والله مهما غلط عليه ابتسامه وحده ترضيني
نبغى نعيش بستر وسلامه وحياه هاديه بدون مشاكل
حاااااسه فيك كثييير ياصاحبة الموضوع

سمعت كلامك يا حكايه بالملي وطبقته
وهو كان كلامه مستفز بس ماجادلته
لانه رجع يحاسبني على كلام قديم ونسى افعاله
عالعموم ان حاولت انهي الموضوع مع دمعتين
واني احبه وخاطره يهمني الخ الخ
حسيت نفسي ابكي عند ابوي والا امي
بس قلت اجرب مو خسرانه شي
بالاخير ضميته وهو باس راسي
وقلت له بنظره مكسوره: لا تقسى علي
قال: ابشري

وراح يلحق عالمباراه


احس نفسي مو انا
وابليس واقف على راسي يقول ايش هببتي
شخصيتي راحت
بس نشوف ايش اللي جاي
انا عن نفسي ارتحت وطيحت هم

الف مبروك الحمدلله واخيرا طاح الحطب مو قلتلك دمعتين بس وتجيبي راسه الله يسعدكم وطبقي نصايحي بالحرف الواحد وشوفي كيف راح تدعي لي

ماشاء الله عليك يا حكايه استااااااذه
ابتبعك والله يستر لايكبر راسه علي

بس ابهدي اللعب هاليومين لحد ماننسى اللي صار
ما ابي اصير مطفوقه