تجهيزات شهر العسل

السلام عليكم..
بدخل بالموضوع على طول طبعا القسم ماشاءالله مليان مواضيع تتكلم بالتفصيل عن جهاز و دبش العروس
و تجهيزات ليله الزواج و توابعها
بس ما في و لا موضوع يتكلم عن تجهيزات شهر العسل
و انا اقصد شو ممكن البنت تاخذ معاها بشهر العسل عشان تكتمل طلتها و تكون احلا عروس
من ملابس (ملابس نوم بجايم ملابس طلعه)
عطورات كريمات و مكياج
طبعا قبل كل شي كل تجهيزات السفر يعتمد على البلد و التنقلات اللي بتروح لها العروس
انا للحين ما رحت شهر العسل قريب ان شاءالله و بكتب لكم تجهيزاتي للسفر بالتفصيل
شو اللي باخذ و شو اللي بستغني عنه
شنو ضروري بالنسبة لي و شنو لا
و ابي تجاربكم المتزوجات و العرايس الجدد شنو تجهيزاتج
ان شاءالله نستفيد من بعض :unsure:
ناطرتكم


13 تعليق 5,410 مشاهدة

شاركي في النقاش

سجلي الدخول لإضافة تعليق.

التعليقات

13
  1. @shfth_bfrh

    الف مبروك لعرايسنا وعقبال الجميع إن شاء الله
    اهم شئ بنات
    كثير يجهزون لشهر العسل وينسون أهم شئ
    مصحف صغير .. ساري الصلاة .. وسجادة خفيفة سهلة الطي
    وإذا عندكم عباية وشيلة إحتياط يكون أحسن
  2. @rahtk_ya_bal

    السلام عليكم ورحمة الله وبركاته

    احس يختلف حسب شهر العسل لوين ؟؟ والخطه كيف ؟؟

    اذا لاوروبا و بيروح كله شوبنق الاحسن تاخذ ملابس الكاجوال المريحه والفلات
    وماتكثر ميكب اب شنطه صغيره الاساسيات وكم روج

    لانهم طول الوقت برى مهو شايفه كثير يادوب لارجعوا ولاقاموا من النوم وبتشتري اكيد من هناك ملابس
    & اهم شي اندروير بعدد ايام السفره مع كيس للاندروير الوصخ

    وعباة ثانيه مع الطرحه وغطوه احتياط + شرشف الصلاة

    و( راي شخصي ) مجموعه وحده تكفي تصير لها ذكرى لايام شهر العسل
    احسن من التنويع كل يوم ( هذا لوقت النوم طبعا )

    اما الصباح وكذا عادي تغير العطر

    .
    .

    اما اللي بتروح لجزر وغيره الافضل تاخذ لها فساتين اكثر ناعمه وفلاتات وكعب
    وتاخذلها اغراض كشخه كل يوم لازم تجدد الطله وهم بيقابلون بعض اغلب الوقت

    اهم شي بنظري الاندروير بعدد الايام & عباة ثانيه احتياط & فلات لانك بتتعبين من كثر المشي ومهو وقت كشخه



    هذا رايي
  3. @dhosh_1

    راحتك يا بال
    السلام عليكم ورحمة الله وبركاته احس يختلف حسب شهر العسل لوين ؟؟ والخطه كيف ؟؟ اذا لاوروبا و بيروح كله شوبنق الاحسن تاخذ ملابس الكاجوال المريحه والفلات وماتكثر ميكب اب شنطه صغيره الاساسيات وكم روج لانهم طول الوقت برى مهو شايفه كثير يا…
    معاهاا :icon18:

تابعي تجارب أخرى من هذا القسم.