الي موظفه وتشطف من حليب ثديها ....تفيدني

سلام عليكم اخواتي
معي عدة استفسارات لكل موظفه وتشطف من ثديها لطفلها تفيدني كوني اول مرة اشطف لابني وبكرة اول يوم دوام من بعد ولادتي
انا راح اودي ابني لامي ومع علب الرضعات والحلمه الخاصه بيهم طيب هل بعد مايخلص الطفل الرضعه ومايبي ارمي باقي الحليب صح ؟ طيب لما رضع رضعته الاولى وخلص وجيت بحط الرضعه الثانيه وبحط نفس الحلمه الي رضع بيها في البدايه هل ارجع اعقم الحلمه من جديد ؟
خبركم كل شي يتعقم من ادوات بس اكيد في اشيا دقيقه
وثانيا انا اذا بطلع وباخذ الرضعات معيدفي صندوق التبريد الي يجي مع الجهاز الشفط وابني وقتها يبي رضعه ووالرضعه باردة ولازم لدفيها وهالمكان الي انا فيه مافيه ماي حار شنو السواة وقتها ؟ اعطيها اياه بارد او كيف 
واكون لكم شاكرة

6 تعليق 1,485 مشاهدة

شاركي في النقاش

سجلي الدخول لإضافة تعليق.

التعليقات

6
  1. هلا  من تجربتي
    هل بعد مايخلص الطفل الرضعه ومايبي ارمي باقي الحليب صح ؟
    لا مؤ لازم ترميه حطيه بالثلاجه ويبقى كويس ثلاث ايام تقريبا
    طيب لما رضع رضعته الاولى وخلص وجيت بحط الرضعه الثانيه وبحط نفس الحلمه الي رضع بيها في البدايه هل ارجع اعقم الحلمه من جديد ؟ اغسلها بمويه دافيه وصابون فقط التعقيم مره كل اسبوع

    وثانيا انا اذا بطلع وباخذ الرضعات معيدفي صندوق التبريد الي يجي مع الجهاز الشفط وابني وقتها يبي رضعه ووالرضعه باردة ولازم لدفيها وهالمكان الي انا فيه مافيه ماي حار شنو السواة وقتها ؟ اعطيها اياه بارد او كيف ؟.  صار لي مره وأعطيتها بارد وعادي ماصار شي يعتمد على البيبي اذا يتقبل البارد اولا
    بس انتي خلي معاك ترمس صغير فيه مويه ساخنه وكأس كبير تسخين فيه الرضاعه

    بالتوفيق
     
  2. الله ييسر امرك ويخلي لك ابنك وميمتك

    اذا ما خلصت الرضاعه خليها يشربها بعد شوي
    واذا نقلتي الحلمة من رضاعه للثانية غسليها او اشتري حلمات على عدد الرضاعات
    والتسخين خلي معك دلة صغيرة على طول فيها موية حارة
    وحاولي تشفطين بالدوام مرة او مرتين وبالبيت رضعيه مباشر عشان ما يقل حليبك كثري رضاعه وشفط
    وكثري سوائل
  3. @akhr_alzman1

    صاحبة الموضوع
    اخر الزمان1
    مشكورين خواتي لردكم الشافي بالنسبه للشفط في الدوام للاسف مااشفط بالدوامو
    مشكورين خواتي لردكم الشافي 
    بالنسبهزللشفط في الدوام للاسف مااشفط لان جهاز الشفط كهربائي مقدر انقلهرمعي للدوام ومافي مكان مناسب اشفط فيه بالدوام
    انا ارضع ابني قبل اوديه الصباح للوالدة واول مااجي ارضعه وبعدين اجلس اشفط صدري واحيانا اول ماااجي وصار ابني نايم اجلس اشفط ويوميا على هالحال
  4. @ftoom_alhlo_1

    انا مو موظفه بس الافضل ان ترضعينه مباشره طالما كان عندك الطفل الشفط اذا رحت الدوام بس..

    من تجربتي كنت ارضعه حتى لو احنابالسيارة اغطي ع صدري وارضعه واذا رحنا السوق اعطيه صناعي علشان مايتعبني..

تابعي تجارب أخرى من هذا القسم.