حنا نسمي الوحده إلي أسلوبها مثلك و خاصه لما تقابل ناس ما تمون عليهم
المخفه و الخفيفه !
شوفي حبيبتي كل شي له حدود و الله أني ناصحه لك
أعرف وحده مثلك من تجتمع مع ناس لأول مره أو ما بينهم موانه تتصرف بطبيعيه و عفويه
فضيعه ما تسوي كنترول لنفسها و تفكر إنه بأسلوبها هذا بيقولون يا زينها تهبل فله
و من تشوفهم يضحكون تززززيد لدرجه تصير مثل المهرج و تطلع كلام من الحماس ماله داعي
و طبعاً من تمشي لبيتها يستلمونها تعليقات و ضحك و كركره عليها و يستخفون فيها
ومايصير لها هيبه !
أتركي عنك إلي يقولك أزين شي تتصرفين بعفويه لا تتصنعين ما عندهن ما عند جدتي !
لا حبيبتي الإحترام للأخرين بالجلسه لابد منه الثقل زين وما يقلل من قدرك مثل الخفه
و الصوت الهادي بالنقاش مطلوب و تتركين فرصه للأخرين يتكلمون و يسولفون هذي مهمه
نرجع للي أعرفها و الله كنت أنقد عليها و أتفشل من أسلوبها رغم أنه ما طلع مني !
ومره جتني و فتحت معها الموضوع لإنه يهمني أمرها و من فتحت الموضوع
تفاجئت بها تصيح :( يا عيني تقول أسكتي ترى ذا الشي غاثني
و مضايقني و ترى كل ما أرجع من جمعه أشبع صياح أحس أني مهبوله و مخفه ....
و ماتوقعت إنك لاحظتي ! قلت يا حبيبتي ما ينصحك و يوجهك إلا صديقك و لي يبي لك
الخير يا فلانه لازم تثقلين بطلي أسلوب الخفه لا تصيرين مضحاكه للحريم
عندنا وعند أهلك و الناس إلي بينك وبينهم موانه فلي أمها
بس عند ناس يمكن ماعمرك قابلتيهم مايصير و أن ضحكو لك ما يعني أنه أسلوبك عاجبهم !
لا تقللين من قدرك بنفسك إلي ضحكه واجد و بربرته كثيره و يهرج بالي يصلح ولي مايصلح
محد بيحترمه ألزم ما على الإنسان سمعته بين الناس
و الحمدلله تغيرت للأفضل صارت وش زينها بالجمعات
أنتي نفس الشي هالأسلوب بطليه مع الأخرين عدا الناس إلي تمونين عليهم خوذي راحتك
حبيبتي .....
أنا بصراحه ياما قابلت حريم مثل أسلوبك و أكون مبتسمه لها بس بداخلي أقول وش هالمخفه
الله لا يبلانا ! و أنقد عليها خاصه إذا أول مره تجلس معي !
الحريم الثقيلات و الرزينات يدخلون فقط
متابعة النقاش، صفحة 8