زوجي جرحني بكلامه

بقولكم عمري عشان تكون الصوره واضحه عمري ٣٧ وزوجي ٤٩
انا زوجي ماينام جنبي يحب نومة الارض
ودايم الومه عليها واقوله ليش ماتنام جنبي ومن هالكلام وابيه ينام ع السرير مليت من حوسة الغرفه
جا قالي انا ماراح انام ع السرير تدرين اني احب الارض قلت له الى متى هالنومه قال عاد انتي كلها كم سنه وتعجزين وتبين تستغلين عمرك انا من هالكلمه كنها سكين بصدري كرهته ماتوقعت تطلع منه لاني احبه ويحبني ومااشوف نفسي كبرت ابد
انا اهتم بروحي وجسمي وشكلي والكل يعطيني اصغر لكن هو من تالي يردد هالكلام علي مدري وش براسه حتى بين علي اني تضايقت منه ماودي اني بينت اخاف يعرف نقطة ضعفي حاسه نفسي ضايق وماودي اطلع من غرفتي
وش رايكم بكلامه هل معي حق اني ازعل او لا بنات انا مو مستوعبه اني بوصل الاربعين خايفه من هالعمر كثير وثقتي بنفسي تقل لان زوجي شبابي ويهمه شكل الزوجه واهتمامها ويهمه كذلك وضعها بالليل وانا بعد هالعمر خايفه يتغير علي ويفكر بغيري

21 تعليق 8,296 مشاهدة

شاركي في النقاش

سجلي الدخول لإضافة تعليق.

التعليقات

19
  1. @raky_alfkr_1

    يمكن يحب ينام على الارض
    في ناس كذاماتحب تنام على السريرمثل اليابانين
    وكلامه لاتضعين له اعتبار ولايحز في نفسك
    خليك ارقى وافضل منه
    اشتري فرشات للارض وقدميهاله هديه
    واختاري الفرشات المميزة الي تنباع عندايكيا
    وخليهامفاجاه قوليه اهم شيئ راحتك

    لا تفرط في هذا الأجر العظيم:
    قال رسول الله ﷺ :
    " منْ صَلَّى عَلَيَّ صَلَاةً ،
    صَلَّى الله عَلَيه بِها عشْرًا "
    فأكثروا من الصلاة عليه ﷺ
  2. @aashk_alshokolath

    قوليله انا باقيلي كم سنه واعجز لكن انت عجزت من زمان :)

    من جدك انتي!! بينك وبينه12 سنه وتقولين هو شبابي وخايفه يفكر بغيرك!!
    لو كان شبابي مانام بالارض....تعوذي من ابليس وخلي عندك ثقه بنفسك ..وترى كل عمر له جماله
    شوفي زوجك في ال50 وتقولين شبابي ...وترى الرجال اذا بيفكر بحرمه ثانيه ماتفرق عنده 20 او40
  3. @alhnon_25

    صاحبة الموضوع

    المشاركة المقتبسة غير متاحة.

    كلامك مررا ريحيني الله يجزاك خير
    وفعلا انا حسيت انه متضايق من كبره وجالس يحطمني الله يهديه بدل مايعيش يومه ويستانس يروح يفرغ نفسيته فيني
  4. @asiatic_lily

    والله صادقين البنات ههههه خاصه يارا جابت لك من الاخير




    يصرف نظرك عنه عشان لا تقولين نايم تحت مثل الشايب خخخ قام قلبها عليك ..
    والله انه ذهين ههههه


    طنشيه يابنت الحلال ماعنده ماعند جدتي بس يتفلسف عليك كبرتي وخرابيط
    اهتمي دايما بحالك والله مافي فرررق صدقيني بين ام 20 و30 و40 الا الحمل والولاده فقططط خلاص الوحده اذا صارت 40 وشلها ب الحمل تبي الراحه والشباااب وتربي عيالها وتزوجهم ان شاء الله
    حتى الرجال والله مافيه حيل يربي عيال وهو ب ا50 يبي زوجه تمسح وتمرخ فيه وتتدلعه وتهتم فيه ..

تابعي تجارب أخرى من هذا القسم.