شوفي اختي الدكتورة قالت لي الغذاء اللي يكثر الحليب وتقدري تاكلي منه براحتك لانه مافيه سعرات حرارية هو شوربة الشوفان .. خذي منها صحن بالنهار وصحن بالليل .
طريقتها تقول بعد مايغلي الماء بالقدرحطي الشوفان مع قطعة ماجي , لكن انا اكره الماجي فقمت حمست بصل وطماطم مطحونه واذا حبيتي جزر مبشور وخليها تطبخ شوي ثم اضيفي الشوفان واذا تبين تطحنيه او تشربيه مثل ماهو براحتك .
اشربي مويه او عصير بعد كل رضعه حتى مايحس جسمك بالجوع الشديد وتاكلي وتحسبيه جوع وهو فقط نقص سوائل بجسمك .. يعني من 6 الى 8 اكواب باليوم ,, خلي حليبك يكون 70% مويه .
والرضاعه الطبيعية كلما زاد عدد الرضعات كلما زاد الحليب ,, كلما نقص كلما نقص الحليب ,, حاولي فترة الأربعين تكون على صدرك فقط مادام الهرمون المرتفع يساعدك وانتي اعرف بنفسك ,, بعدها ممكن مره او مرتين صناعي باليوم .
وكلي تمر وحليب بحلبه او بدون براحتك انا ما احبها ,, واذا تاخذي حبوب الفيتامينات والحديد يكون افضل جدا .. لان الجسم اذا كان محتاج هالطاقه ماراح يقدمها للطفل .. انتاج الحليب للي عندها فقر دم مو مثل اللي نسبة الدم عندها طبيعي .
واحيانا اخذ على الصبح ملعقه صغيرة ممسوحه حبوب لقاح النحل مع ملعقة عسل كبيرة ,, اضيفها في مويه فاترة او حليب مو مشكله ونتائجها حلوة .
اهتمي بتغذيتك وخليك واثقه من نفسك ,, الطبيعي مو مثل الصناعي ابدا , يجيك فترات ينقص وفترات يزيد حسب تغذيتك وهرمون الحليب عندك . والطفل بشكل عام مايشبع من صدر امه لأنه يشرب اللي يكفيه فقط واحيانا يبغى يكون قريب من امه فمايشرب كثير .
بينما الرضاعه كميه محدده في كل مره ونفس الطعم وجرعة المعادن والفيتامينات فيه كامله ..
بالنسبه للي يخرج منها اذا كان يخرج مباشرة بكميه معقوله جدا فهذا طبيعي ,, هذي كميه زائده ماتتحملها المعدة . فيطلع سواء بعد الرضعه مباشرة او بعدها بفترة بشكل متكتل .. واحرصي على تكريعها مباشرة حتى يخرج الهواء من بطنها وماتعاني من المغص بالرضاعه الطبيعيه والصناعية .
راح تستمر هالحاله معها مثل غالب الأطفال الى عمر 6 شهور ,, ثم تصير رأس المعده اقوى من قبل وتتوقف عن الترجيع اذا كان ماعندها اي مشكله .
موفقه .
الرضاعه الطبيعيه
متابعة النقاش، صفحة 2