تجمع الأمل 85 للمقبلات على عملية اطفال الانابيب والمنتظرآت نتيجة التحليل

السلام عليكم
شخباركم
بالنسبه للي تسأل عن الكرتزون ... هل عندك أجسام مضادة
أنا أستخدمتهم بعد عملية السحب .... حبه وحده في اليوم ....ولكن الله ماكتب تنجح العمليه 

مرحبا بنات مافهمت ليش تاخذوا كرتزون؟؟؟بعدين التحفيز قبل التنشيط ايش هذا انا على طول بديت بتنشيط؟؟؟بليز طمنونى

بنات اللي تكملو انه مايشوفون الدكتور

احس مو طبيعي واعذروني مهما كان مشغول هذا عمله انا قبل العمليه اقل شي اشوف الدكتور 3 مرات

وطلبت منه يعمل لي تحليل اجسام مضاده او جينات ما وافق

قالي ما اقدر اسوي لك الا بعد فشل متكرر طيب فشل تلقيح صناعي وعمليتين مجهري ما يكفي ؟؟؟

وقالي ما يصير نعطيك ابر مثبته بعد العمليه لانها ترفع نسبه هرمون الحمل فبالتالي تكون النتيجه ايجابيه بعد اسبوعين

وسألته اسأله كثيره قالي انصحك بعد العمليه ترجعي لدوامك وتمارسي حياتك بشكل طبيعي ماراح تحسي بالوقت والانتظار ولازم تخلي في بالك انه كل محاوله فيها الفشل كل مره 50% والنجاح 50% وقالي عادي السلم والعطر فقط العلاقه اللي ممنوعة .


وادعولي ارجوكم ما زلنا بانتظار ادويه زوجي متاخره 3 اسابيع وهذا طبعا كله من وقتنا لان الطبيب قال لازم بعد مرور 60 يوم من الدوا نعيد العمليه بعد التحليل طبعا وللان متعطلين بسبب الشحن فقررت انتظر اسبوع بعد وبعدين براجعهم وبطلب يكتب له دوا ثاني مؤقت مع انه قالي ماانصح في اي دوا ثاني غير هذا اللي نتتظره .

انتظره بفارغ الصبر وقلت بعتبر فتره علاج زوجي نقاه لي من غير ضغوطات بهتم بنفسي وبدلعها وبنشوف اذا نسافر اي مكان نغير جو واهم شي من غير ضغوطات نفسيه كنت دايم أأجل العمليه وانضغط نفسيا واقول يمكن يصير طبيعي اما الان فأعرف ماراح اترقب كل شهر لانه صعب الحمل من غير عمليه وبنفس الوقت اعرف ومحددين انه ممكن نعيدها بعد 3 او 4 شهور بعد العلاج .

الحمدلله على كل حال والله يفرجها ويفرحنا سبحان الله/ لله في خلقه شئون وهذا المكتوب علينا
فرحانه كثير لخوياتي وقريباتي اللي الان حمل بس عارفين الاحساس اللي تحسين انك متفشله منهم خاصه انهم كلهم اصغر مني وبرضو بالعمل يالله كل عملي اما البنات حمل او توهم راجعين من اجازه وضع او بإجازه الوضع كل الاقسام واولهم اللي مقابلتني فأنا مااعترض طبعا على كتبه الله بس احس انحرج او اني منبوذه او غير عن الناس واتحسس يمكن يخافون احسدهم ماادري مشاعر ملخبطه بس احاول اقاومها وابتسم واسولف عادي .

إلا صح كلامك تكون بالجلد
امين يارب وكل من تتمنى الله يسعدك ويوفقك

اماني الله ييسر لك يالغلا 
وتوصل علاجات زوجك وتسوين العمليه 
وتنجح يارب ..