هل يجب على الزوجة خدمة اهل زوجها

شوفي انت ماوضحتي وضعك يعني انت ساكنه معاهم ولاجايتهم زياره اذا انت ساكنه معاهم ومافهي خدامه ساعدي ام زوجك وعاونيها واذاوفيه خدامه تقون بالبيت انت خلي عندك ذوق واطبخي وصلحي قهوه حلا يعني خليك فزاعه شوفي خالتك وش تبي واذا صارت طيبه اكرميها اكسبيها مو تصيرين عاله عليهم تاكلين وتقومين ماتسوين شي اعتبرها قله ادب حتى لوفيه شغاله هي الي تطبخ خلي لك وجود وحس
ام اذا انت زايرتهم شيلي وحطي معهم خليك سنعه لاتصيرين مثل حريم بعض هالوقت قسم بالله طبل طبل تخيلي حتى القهوه ماتصب صبولي اكلوني شربوني ضفو عيالي ماادري وش هالحريم والغالب المشاكل من هنا قسم الاسره والله يافيه حريم نجسات الله حسيبي عليهن يخربن الطيبات مو كل حمول مثل الثانيه اذا انت عندك حموله قشرا هي يمكن عندها حموله طيبه ليش تخربينها عليهم عيب عليك والله محاسبين انت لو امك تسوي فيها زوجه اخوك كذا كرهتيها
الدنيا تعاون وام الوزج مثل امك لاتحطي نقرك من نقرها
فيه حريم ازواج تكون طيبه وحبيبه بس تروخ تجي وحده نجسه وتقول لاتسوي لاتفعلي تقيس على نفسها وخقدها وتخرب هذي الضعيفه على اهل زوجها وترى الدنيا دواره والله تدور عليك لاتخافي
لو ام زوجك ماتعترف بخدماتك قوني بما يرضي الله فقط وبما يحفض كرامتك واخدمي زوجك ونفس وعيالك

حبايبي انا ساكنة معاهم بس وضعي خاص شوي انا مريضة كثير ويادوب اخدم زوجي وماعندنا خدامة وام زوجي ماشاء الله صحتها بخير وكمان عندها بنت بس عندهم عقلية انه مرت الابن لازم تخدم كل شيء والا يسمعوني كلام يقهرني العروس لازم تكون هيك وتكون هيك وانا ما احب الاهانة وحماتي تقول كيف عندي عروس واقوم اشتغل 
العروس لازم تبكر لازم تشتغل وتشتغل وانا الله غالب ودي اشتغل بس مريضة مااقدر ودايم تمدح بناتها المتزوجين قددامي بناتي شاطرين ويشتغلون فبيوتهم وسنعات وووو
وهي تحسها تدمر ادا قلت مريضة ولا تعبانة ماادري كيف اسوي

انت يعني توك.عروس قصدك وايش نوع مرضك حامل يعني اذا حامل ونسات ممكن يراعون وضعك انت ياقلبي لاتشيلين يدك من كل شي عاوني بالقليل لاترهقين عمرك ولاتدلعين نفسك حتى لوام.زوجك بصحه وعافيه الذوق ذوق وانت اهل له صح ولالا بكره تفرقون وهني من ذكر اخيه بالخير وصدقيني مافيه شي يضيع ابد احتسبي الاجر في كل شي
الحقيقه مااعرف وش نوع مرضك بس اسئل الله لك الشفاء ويصلح حالكم

حبيبتي ﻻ مو ملزومة بهم
ولكن
صعبه تشوفين امه مثﻻ داشة المطبخ وانتي مو حامل وﻻ تعبانة وﻻ شي
ع الاقل دشي معاهم حتى لو تقطيعن خضره
عشان هم يحسون انج تشتغلين وتحاولين تساعدينهم

من ناحية الشرع لا موب ملزومة
بس ام زوجك حرمة كبيرة والرسول عليه الصلاة والسلام قال:
ليس منا من لم يوقر كبيرنا
يعني موب حلوه تشتغل وانتي مروقه
انا ما ادري وش وضعك بس اذا صرتي ساكنة معهم
المفروض تسوين الشغل اليومي والباقي بكيفه
اما اذا صار فيه بنات او حريم عيال غيرك لازم تتعاونون
أو سوي مثلهم