*~ ملتقـــــــــــــــى الآنسات *~

وعليكم السلام والرحمه .. هلا مجموعة احاسيس

هلا بنات مشكلتي عويصه
بنات انا أكلي كلش خفيف بالعربي الفصيح مااحب الأكل خير شر..
جربت حبوب فتح الشهيه نفس الشي ماتأثر فيني..رحت للدكتورة سوت لي تحليل لكن مارجعت اخذ النتيجه..عطتني حبوب فيتامين شربت منها من اشرب حبه بدل ماتفتح شهيتي تلوع جبدي مااشتهي آكل ههههههه الظاهر سوت تأثير عكسي..
المهم من 10 سنوات ووزني ثابت ماتغير.. 36
بس من تخرجت من الجامعه شوي نفسيتي تغيرت من هم الدراسه ووصلت 40 بس اظل يومين وارد اوزن اشوفه 36 واحيانا 37 يعني الظاهر كنت أحلم..
المهم بقول لكم مره ياني خطيب وماباقي الا نتايج الفحص ويوم فحصنا وزنوني وكان وزني 38.900 حتى الدكتورة تقول الوزن المثالي ههه تطنز علي ادري..المهم ماصار نصيب الولد ماادري صادته مشكله حتى قرر ينتحر ماادري من جمالي الفتان لو ماادري وش هبل به الله يستر عليه..عاد انا انصدمت من كثر ماايون الخطاطيب ويهربون بس هالمره ماباقي شي على الملجه يصير جذي.. وقمت اصيح وانقهرت..وزنت بعد يومين الا وزني وصل 35 ههههههههه صاعقه كأني قاعده أحلم..

وبهذا اكتشفت شي خطير اني لو أقعد آكل مني لسنة اليايه مابزيد ولا كيلوه لأني عرفت انه وزني يزيد وينقص بسبب النفسية مو بسبب الاكل..
بس مشكلتي الحين اني لما اصوم وايي وقت الفطور احس اني جوعانه لكن مو مشتهيه اكل فأقعد اشرب عصير وماي وسوائل بس حتى أملي بطني..
أقول شكلي صدعتكم بسالفتي الطويله.. ماعندكم شي طبيعي يفتح الشهيه؟
مو اني مستحيل نفسيتي تهدأ أول احاتي الدراسه الحين احاتي الوظيفه والريل .. أدعولي

هلا ياحبيبتي

roseice


انا بخير انتي شحالج اختييي :) عليمنا نرمس مثلكم ..

برووووحي هلا والله :) شلوونج ..


العصله اللي اتحجى أهم شي تكونين راضيه عن شكلج .. يمكن نوعية جسمج جذيه :) شوفي اللي يناسبج باللبس ولبسي الالوان اللي تترس الجسم


عندج مثال اللون الوردي .. والمخطط بالعرض .. ويعني هالسوالف وابتعدي عن الغواااااااامج ولاتلبسين اسود لأن يضعف :):)


والله يرزقكم كلكم بالرياييل الصالحين والذريه الصالحه واللي ماتوظفو الوظيفه الزينه وبعد ؟

مجموعة أحاسيس

افا عليج الغاليه ... انتي بس شاركينا في الملف وسولفي ويانا و بتتعلمين رمستنا