تبااااااشير 9 مواليد نوفمبر وديسمبر 🎈🎊🎉

اخباركم بنات اشتقت لكم
والف مبروك اللي ولدو

هلا بنات

كيفكم

معليش ماقريت الصفحات وتوني اصحصح

ولدت ابشركم يووووه يابنت امس كأنه حلم

بقولكم الاكشن

نمت ليله الاحد وانا تعبااااانه حدي صداع حرعرة وزكام

وارتجف من البرد وانا اقول بنفسي لو بكرة صدق يصير لي مثل ماصار مع ولدي اللي قبل ولدته بنفس اليوم المقرر

وشلون بولد وانا بهالحاله من التعب

المهم قمت من النوم عل احساس كأن الدورة بتنزل واحس فيني رطوبه من تحت واتلمس نفسي فعلا في رطوبه

وخفت اجلس وتنفك المويه وقمت اصاراخ انادي زوجي بس ماسمعني وتحملت وقمت رحت الحمام امشي مشيه البطريق

وامسح بالمنديل مويه ودم وتجيني حاله خوف ارتباك كل شي واطلع اروح لزوجي وكان يكلم صار المدرسه داقين عليه يقولون ينفصل عيالك من كثرة غيابهم

قمت ااشر له اني بولد

قام رد عل الوكيل اسمع جهز العيال بجي اخذهم لان امهم شكلها بتولد الحين

هههههه المهم راح جابهم من المدرسه وانا من الخوف صرت ادور مدري وش اسوي

الحمدلله اني مجهزة كل شي من قبل ومشينا الحمدلله للرياض

بالطريق كنت حدي خايفه يجيني طلق بس ربي ستر الحمدلله الطلق كان خفيف

وصلنا ورحنا اخذنا شقه جمب المستشفى حاولت انام ماقدرت ابدا من التوتر

والطلق كان خفيف وغير منتظم

اخذت تحميله قلت علشان افرغ الامعاء وعرتحت ويوم جات الساعه 8 بالليل رحت المستشفي

الطلق مااشتد ولاهو منتظم بس كل شوي ينزل دم ومويه قليله

رحت المستشفىولما فحصت علي كانت الساعه 10قالت مفتوح 4 سم والطلق مو منتظم بنحطك جناح التنويم لين يشتد

ودخلت تنويم وقمت اتمشى بالسيب واقرا عل نفسي لين صارت الساعه 3 وجات الممرضه سوت تخطيط للطلق نفس الشي طلق خفيف ومو منتظم ومفتوح فقط 5سم

بس قالوا بننقلك غرفه الولاده ونقلوني وطلبت مسكن وعطوني ابرة عضل الحمدلله مررررة ريحتني بشكل ماتوقعتها كذا

وشوي جابوا لي كمامه

عاد هنا دخلت مرحله غريبه ههههه صرت كأني عايشه بالتسعينات

شاشه ابيض واسود كأني بحلم دااااايخه ومستمتعه وتجيني ذكريات الطفوله وافكار جميله واسترخاااااء

قلت للقابله شكرررا ابنااام انا ههههه

طبعا سوت لي حقنه شرجيه مررررة حلوه وتريح البطن

المهم خف الطلق ونمت وقمت بعد شوي قلت لها ابولد تعبت قالت للحين غير منتظم لازم ينتظم واجلس ادعي خلاص تعبت مرررة

فجأه وانا بين الحلم واليقظه واحساس جميل بلا مبالاه جابت مغذيه قالت طلق صناعي

قلت مااااابي انا مرتاحه كذا خليني

وكنت زومومبي هههههه وماعطتني وجه وركبت لي كانت الساعه تقريبا 4 الفجر

شوي وينتظم الطلق ويشتد وابدا اصارخ واصحى من الغيبوبه هههههه

واقول ابي ابرة ظهر ابي مسكن تكفووووون

وتجي تكشف علي فجأه يتغير وجهها وينفتح الباب بقوه ويدخل طبيب وطبيبه وعيونهم طايرة انا خفت مرررة

قالت القابله بيبي تعبااااان طبعا انخفض النبض وطلع عند الاطباء المناوبين بالجهاز ودخلوا ركض شوي الا كل شي يرجع طبيعي

فتحت كيس الجنين وقالت يلا الحين ولادة انفتح الرحم والطلق كويس يلا ادفعي انا هنا جسمي منهاااار وماعاد فيني حيل من الروعه

قلت لها خلاص ماابي اولد ابي عمليه ابي ابرة ظهر اي شي

قالت ادفعي انا اشوف الراس يلا ادفعي قلت خلاص ماابي تفهمين كنت تعبااااانه من الطلق ومن الخوف واحس مافيني حيل صارت تضغط عل بطني وانا اصارخ تعبانه وخروا عني ابنااام وصرت اشد شعري وشقيت القميص وضربت القابله ههههه

وهي تقول ولاده اكيد تعب بس ادفعي وبعدين ننتهي المهم صرت ادفع شوي واصرخ شوي وهي تساعدني دفعت كم دفعه وطلعت بنتي قلت هااااتيها ابي اشوفها وخذوها ينظفونها وهي نظفت رحمي وبدت تخيط وانا عيني عل بنوتي

سوت لي خياطه داخليه وخارجيه طبعا احسها تعبت مرررة معي لاني ماكنت اساعدهم ابد

واخر شي عطوني بنتي ارضعها كنت دااااايخه مررررة وحطيتها بحضني ونمت

شوي اخذوها مني وانا مو قادرة افتح تكلمني وانام من مفعول الكمامه والابره المسكنه

بس عن جد انصحكم كلكم فيها

شوي نقلوني غرفتي وانا حدي دايخه قالوا نامي الحين وبنجيب لك بنتك ترضعينها بعد كم ساعه

عاد نمت ساعه ثم قمت ودخلت بشرت البنات بالبيبي ومانمت الا بالليل من الفرحه

والحمدلله عل هالساعه

واهم شي الحمدلله اني جيت الرياض

الصراحة مستشفى الحرس وبس مررررة ملكي وررراحه

عطوني تحاميل شرجيه علشان الم الخيوط والممرضه تدخل معي الحمام تمسكني لاني كانت فيني دوخه

واسلوبهم مرررة روووووعه في التعامل

ونظاااافه واهتمام بكل شي

بنتي ماجابوها للحين عندهم يقولون ارتاحي واذا بغيتهت تعالي لها او اطلبيها

بطلع اليوم ان شاء الله

بطني يجيني مغص واطلب مسكن ويعطوني

والحمدلله وعقبال الباقي

من تجربتي

اكتشفت اني مهما اسوي محرضات ماراح،ينفع شي

انا جسمي كذا لازم اكمل التاسع تماما واولد،باليوم المحدد

واكتشفت قبل الولاده باسبوع تحول حالي من امساك الى اسهال الله يكرمكم

انا بس اشفط بنتي ماعرفت ترضع عشان الحلمه مو بارزه 😩
يعني اقعد بشفاطي 😭

ماشاء الله الحمدلله على سلامتك عهوده وأخيرا شفتي بنتك وحضنتيها ..

والمستشفيات فعلا الحكومي كثير افضل من الخاص بس طبعا مو كلها ، انا المستشفى الي ولدت فيه كان عنايه وتعامل مره حلو واستغرب من صبر الممرضات صراحه :D ..