الحقووني زوجي وولدي

السلام عليكم 
يابنات انا عندي زوج  يبالغ في اهتمامه بالتعليم
وياويل الي ينقص درجه ولا درجتين من الاولاد 
والله يدرسون خايفين منه بس 
ولدي ياما انضرب على يده بسبب هالموضوع الحين ولدي عمره14 
والمدرسه عطوه المستوى الشهري له كم يوم ومخبيه عننا 
لقيته بثوبه بالصدفه  
قلت ليش مخبيه ليش كل يوم اسالك انا وابوك عنه تقول ماعطووني 
قال لاني خايف ابوي يضربني ..
فتحت المستوى اشوفه كله ماشاءالله العلامات الكامله  بس في الحديث ماخذ جيد 
والسبب انه خربط بالاختبار  والانجليزي جيد كمان والسبب مو الامتحان لانه اخذ بالامتحان 8من 10 السبب المشاركه والنشاط هو الي مخسف المجموع  ومخليه جيد 
ولا باقي المواد  ممتاز تخيلو العلامه الكامله ماشاءالله 
وترتيبه عالفصل الخامس 
والولد ذكي وفاهم مايعيبه شي 
بس مشكله ابوه يوم شاف المستوى قلبها علينا وعصب طبعا ولدي كان نايم 
لكن انا وريت ابوه  قلت له حرام عليك الولد في كل المواد ممتاز انت اش تبغا قال 
ليش ينزل مستواه باللحديث والانجليزي تخيلو   باقي المواد ماعلق عليها لانها امتياز
بس شاف الشي الشين ..الحين ايش الحل  قال روحي اساليه متى عطوه المستوى بالضبط وان طلع كذاب قيامته بتقووم 
وانا كذبت قلت عطوه اليوم  بس هو عارف اني اكذب ...وش الحل مع هالرجال طفشنا بهالدراسه 
مبالغ في كل شي  احس ولدي من داخله يكره ابووه ويخاف منه 
رغم انه دايم يحفزه ويشجعه ويشتري له جوال وايباد ولابتوب ونسافر دايم بس ماحس ولدي مو مبسووط 
مو ضوع  الدراسه مقلقه والسبب ابووه  هاتو لي حل الله يريحكم انا طفشت ودي اهج من البيت