الي تعرف تجمع من فلوسها تجي تعلمني محسوبتكم صريفه

بالنسبة للجمعيه انا يمكن اكثر وحدة دخلت جمعيات
من يوم وانا صغيرة يمكن بالمتوسط كنت ادخل وكنا كثيرين دخلت سهم ب10 ريال استلمت900
ومرا دخلت ب500 استلمت 3 االاف
ومرة 12 الف استلمت ومرة استلمت 24 الف
وكلها راحت مدري وين ...!
واكبر غلط سويته بالجمعيات اني استلمها بدري
اول شي لو لستلمتها بدري راح تنصرف تاني شي راح اطفش في الدفع لو انا الي راح استلمها اخر وحدة بكون مظطرة اسدد لانو راح استلمها .. واكيد من تجربتي للجمعيات روووعه ولو كان عددها كثير اروع بس بشرط اخر وحدة استلميها اذا مو محتاجتها بدري
الله يرزقنا وياكم الي تبغي نتناقش بجدية وتشوف الي لازم علينا عشان نفتح عقلنا زي الناس المفتحه تدخل تشاركني ♡

انا كل ادخل محل يعجبني شي اشتري 
عبايه شنطه اخر شي اشتريته 
ارواج من  H&M ب30 خمسه الوان

وعليكم السلام ورحمة الله وبركاته ..

أنا عن نفسي بنات كنت زيكم .. ما امسك الريال .. كل ما اروح السوق اشتري الي ابغاه .. بس يوم تزوجت وحملت حسيت بالمسؤلية وانو لازم نوفر ..

خاصة إنو زوجي مديون وشقتنا أجار وبنتنا تحتاج صرفية من حليب وحفايض .. غير كذا ربي يشفيها تحتاج نسوي لها عملية بعينها .. الحمد لله
فحسيت عن جد نحتاج نجمع ..

يا عزيزتي لا تستني يجي اليوم الي تحتاجي فيه الفلوس .. وتقعدي تقولي يا ليتني مجمعه وتتندمي ..

دام انك تقدري تجمعي توكلي على الله ثم ابدئي من اليوم .. حطي ببالك هدف معين .. قولي مثلا بعد ٣ شهور حيكون عندي هذا المبلغ .. ولما تجمعيه كافئي نفسك بطلعة للسوق مثلا بس خلي لك مبلغ معين (غير مبلغ التجميع) تشتري فيه الي تبغيه .. لا تحرمي نفسك مره .. بس اهم شيء لا تتجاوزي المبلغ الي محددته لطلعة السوق ..

بعد كذا حطي لك هدف ثاني بعد ٦ شهور مثلا .. وهكذا .. وخلي هدفك النهائي "إني أوصل لهذا المبلغ عشان اشتري الارض الي بنسوي فيها بيتنا إن شاء الله" ..

واهم شيء تصدقي كثير قد ما تقدري لو كل يوم ريال عالاقل .. خلي بالبيت حصالة للصدقة لان رسولنا محمد صلى الله عليه وسلم قال :" ما نقص مال من صدقة "
ما تدري ربي يفتح عليك ويرزقك القناعة بتجميع الفلوس ويبارك لك فيها ..

ولا تنسي الاستغفار لان ربنا تعالى يقول: "(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا.. يُرْسِلِ السَّمَاءَ عَلَيْكُمْ مِدْرَارًا.. وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا)"

واذا مره مره ما تقدري تمسكي الفلوس الي جمعتيها .. افتحي لك حساب وخلي بطاقة الصراف مع احد تثقين فيه من عائلتك .. والافضل يكون في مدينة ثانية .. عشان يكون صعب عليك تسحبي من الحساب ..
وانت كل شهر حولي من حسابك الاصلي لحساب الادخار حقك ..

اتمنى أكون أفدتك ..

والله يوفقك وييسر لك كل خير ..

ياريت لو عرفتو طريقه تدلونا عليها لاني زيكم وكل مره اقول بعقل ولالااقيه ههههههههههههههه ربي يعينا جميعا