انصحوني الله يسعدكم،حياتي في دمار ومو عارفه وش اسوي

الله يسعدكم ويجزاكم خير اخواتي الي ردوا
ونصائحكم على عيني وراسي من فوق وبالعكس انا مازعلت وكنت محتاجه احد يصحيني بكلامه ويحفزني
الله يعافيكم انا موظفه بس للاسف عندي ديون كثيره ومايبقى من راتبي الا الف اخر الشهر اقضيها مصروف لي ولولدي من ملابس وشحن واغراض ثانيه واعطي امي منها بعد
انا صح ضعيفه وماعندي القدره اني اتكلم يعني بحزة المشكله انخرس واجلس ابكي على حالي ماادري ليه يصير عندي حاله غريبه انسى كل الكلام الي كنت مجهزته لما اجلس مع زوجي انصحه ولا اتكلم معاه
احس ان في شي مسيطر علي واخاف اني اروح لاهلي واقول يمكن ياخذون ولدي مني وانا مااقدر استغنى عنه مستحيل
ادعوا لي اخواتي وربي صرت مهمله لحالي ولنفسي احس اني ماعاد صرت انثى صرت شخص ثاني
الله يعين

اخواتي الله يسعدكم عادي حفزوني اطرحوا لي اي حلول حتى لو شي يزعل مو مشكله بس ابي اتغير ابي اصير اقوى وعندي عزيمه بس مو عارفه وش الطريقه والله محتاااااااااااره احس اني ادور في دوامه وصداااااع مستمر

شوفي اتركي الشقه واتركي الولد انتي أساس مشكلتك زوجك لانه لو توظف واعتمد علي نفسه بيتطلعون من الشقه وبتربين ولدك بجو حلو وبتعيشين حياتك مثل أي زوجه بالعالم يعني تبتدين بزوجك شدي عليه قد ماتقدرين واذا مانفع لا تجلسين عنده خذي ولدك وروحي بيت اهلك وقولي له لا اشتغلت وصرت تقدر تصرف علينا تعال خذني من بيت اهلي لازم تشدين معااااه هذيمو لعبه الرجال لا تعود علي الراحه بيضل كذا طول عمره او ينتظرك تتوظفين وتصرفين عليه تخيلي بكره أبو زوجك طردكم من وين بتعيشون بتخلين اهلك يصرفون عليكم تحركي يابت الحلال الحل الأول والأخير بيدك لا شافك جاااده ومصره علي موقفك اكيد بيتغير لانه حتي لو هدد او فكر بالطلاق أساسا منو تبي واحد للحين يصرف عليه ابوة يعني ماله غيرك خليه يولي وروحي بيت اهلك حتي لو جلستي فيه شهر شهرين بس ترجعين مرتاحه علي الأقل يكون عندكم مصروف والشقه لا حقين عليها لا تعدل وضعه المادي

معليش حبيبتي أبوك و أمك تعبانين الله يشفيهم و يعافيهم
بس لازم تدخلين أبوك بالموضوع لإنه موضوعك صعب تحلينه لحالك
هذا أنتي تقولين إنك مدلعته و لا تقدرين على مواجهته !!
أبوه حاط الحمل عليك و محملك مسؤولية سلوكه !! و مزوجه يبغى حرمه تربيه !!
لذلك مالك غير أبوك طبعاً أختاري الوقت المناسب و قت مايكون رايق
و روحي له وفهميه مشكلتك بدون ما تبكين لإن البكاء هو إلي ممكن يأثر عليه
أشرحي له وضعك كامل و صدقيني الرجل ما يأدبه غير رجل مثله
و لا تنسين الدعاء حبيبتي أدعي لزوجك بدل ماتدعين عليه
لا تيأسين من رحمة الله ولازم تفعلين بالأسباب ما توقفين وقفة المتفرج على وضعك
لازم يتدخل أبوك بحل المشكله
فرج الله همك

الطلاق مو حل زوجك مدلع ومستهتر اني رحتي لاهلك يوم سعدة لانة راح يفتك منكم
الحل انك انتي تديرين زمام الامور دامك عندهم ام زوجك تمسك ولدك اشتغلي واصرفي
على نفسك هالرجال ماورة نفعة تربية اهلة له غلط زوجوة حتى يعقل وزاد بلاة ماعقل
وخلك شديدة علية كودة يتسنع هالدلوع