شاركي في النقاش

سجلي الدخول لإضافة تعليق.

التعليقات

1,997
  1. زيت الخروع زوجة اخي شربته الليل قبل تنام وصحينا الصباح على بشارة وﻻدتها
    مبروووك ملاك العقيقة ..الله يحفظ لك عيالك مياسة ويبارك لك فيهم
    سالفة العروق والتنفخ عندي وخاصة لما ابذل جهد وقلت للدكتورة قالت عادي بس ارتاحي وارفعي رجلك وانسدحي على جنبك اليسار
    اذا طالعت في المنطقة تحت يجيني اكتئاب مررره شكلها متغير واذا دهنت زيت زيتون فيها يجيب لي حكة فضيعة .. بنات عادي اقرا في موية زمزم وارش المنطقة تحت منه ..
  2. @ronk_alhyaamp

    مساء وصباح الخير

    مبروووك للوالدات الجدد الحمد الله ارتحتو العقبى لنا يارب

    على طاري التنفخ انا رجليني موبس تنفخو صارو مخدات لدرجة اليوم جلسة مفزوعه نومتي كانت عدله. مادري شنو السالفه جلست الا رجليني. فيهم حز كبيييير. مثل التجويف داخل لجوا انفجعت من الشكل غسلتهم بماي ورفعتهم ورجع شكلهم. بس التنفخ مازال حتى الجزمه وانتو بكرامه ماعادت تدخل واذا مشيت لو خمس دقايق زاد الانتفاخ بشكل مهوول
    الله يعظم لنا الاجر القعده والقومه صارت صعبه وعظمة الحوض المها لايطاق والطلوق تسير وتمشي
  3. ديما الله يختار لك مافيه خير باذن الله .. وﻻدتي ببنتي رحت والرحم مفتوح 6سم وقالت بافتح لك الموية عشان تولدين بسرعه وفتحتها شافتها خضراء البنت تبرزت في بطني واعطوني صناعي واحس مامداني اخذ نفسي الم ودفع وهي تعصر لي بطني الين طلعوها .. يعني ماتدرين وش مكتوب لك وكله خير من الله

    😷😷
    جالسة وحاطة حنا على راسي ..الشيب مسوي الهوايل مقدرت اتحمل منظره🙇مع اني من الشهر الرابع قلت ماعاد باتحنى عشان اصبغ واليوم 🙊وبكرة باحط عليه كتم وزبادي
  4. @ronk_alhyaamp

    سوؤال. للوالدات الجدد. واللي. يعرفون. الحين. لما يعزم الطلق يتحرك الجنين تحسون بحركته ولا خلاص مع الطلق تختفي حركته

تابعي تجارب أخرى من هذا القسم.