تجمع المدللات الكسولات 2 ... ما أحلانا لما نتغير

صباح الخير

انا مشكلتي اني ماافتح اللاب توب كثير شكلي باصير ادخل من التاب اسهل
عشان اخبركم عن انجازاتي اول باول

الله يسلمممكم كلكمم

اليوم صحيت بدري مع الفجر بس ماسويت ولا شي مرررررررره بررررررررررررد
سويت فطور لي ولزوجي وفطر ومشى لدوامه
بذاكر دروسي لحد الظهر عشان البيت يكون ادفى شوي الظهر

اليوم ابي
1- اغسل حمام
2- ارضيه المطبخ
3-ارتب الصاله
4-اكنس البيت
5- امسح الاسياب
6-انظف غرفه نوم
7-انظف المكتبه
8- امسح المرايات
9- انظف المغاسل
10- اغسل ملابس

هاذي 10 مهام
ان شالله انجز باذن الله

يا سلاااااااام ما شاء الله عليكم

مساء الخير اخواتي
وين المدللات الموضوع خامل نوعا ما المفروض يشعلل نشاط مثل نشاطكم

انا اليوم قطفت الملوخية بعد ماصليت الفجر
وجلست على دفتري اكتب نواقص البيت والبنات ونواقصي عشان الراتب اليومين هذي ان شاء الله يصير اول ماينزل افرد الورقة قدام زوجي قبل يصرف الفلوس على الفاضي
وبعدين جلست على التاب ونمت
وصحيت على اذان الظهر
1 ترتيب سريع
2اكمال الغداء
3ترتيب المطبخ اثناء تجهيز الغداء ( ترتيب المواعين ومسح البلاطه وغسل صحون التجهيز ) والحين بقوم اغسل صحون الغداء <<< اقصد صحن الغداء هههههه
4اليوم عندي الثلاجه عميق بدات في ترتيبها وانا اجهز الغداء
خرجت الاشياء الخربانة وخرجت الخضار وغسلتها ونشرتها باقي ارتبها في العلب وارجعها الثلاجه

وباقي المهام هي :
5مسح الثلاجه من جوا وبرا
6مسح ارضية المطبخ والسيراميك
7كنس الصالة والممرات
8غسل 3 دفعات ملابس
9ترتيب دولاب البكلات
10ترتيب دولاب بناتي

ودمتم بود
اشوفكم في الليل بعد مااخلص مهامي العشرة

طبعا هذي المهام العشرة الرئيسية
والا لو بندقق على كل شغلة اشتغلناها كان وصلت المهام للعشرين مهمة
مثلا انا فوق المهام اللي كاتبتها لازم اغسل ملابس زيادة واكنس وامسح الاثاث حتى لو ماهي من ضمن المهام <<<< يعني اسويها بالدس واسوي نفسي يعنني ماسويتها عشان احس بخفة الشغل

السلام عليكم ورحمه الله وبركاته
انا بنظم معكم بهذا التجمع يارب اني استمر معكم ع طووول لاني ماحب الالتزام باي شي لاني التزم فتره واترك هذا طبعي السيء للاسف يبغالي بس شوي تشجيع منكم ع الاستمرار
واحب اشكر صاحبه الموضوع اسماء والله اني اليوم اشتغل ببيتي وادعي لها
اليوم قريت كللللل صفحات الموضوع الاول كان قمه صراحه يحمس من جد وعموما ركن التنظيف اللي يكسل يدخله يعطي حماس للشغل والنظافه
خلصت موضوع الملف الاول
واليوم دخلت هالتجمع وخلصته كله ودب فيني حماس ونشاط ع غير العاده
فرحت غسلت الملابس وباقي بس شوي بروح هلحين اكملها
ورحت نظفت الغرفه اللي نجلس فيها انا وعايلتي تنظيف عميق وهي نفسها مجلس الحريم للاسف لان بيتي صغير جدا ادعوا لي اخواتي اني انقل بيت كبير ووسيع
نظفت المجلس تنظيف عميق مسح جدران ومسح مكيف وشباك والتلفزيون والباب وطلعت الكنب ونفضته وكنسه المجلس ونظفت الستاره وعطرته اللهم لك الحمد
انا طبعي احب اذا مسكت شي مافكه الا لما انظف فيه كل شي ماحب الشغل المقسم امل ع طول
لذلك احب الشغل العميق يكون امسك غرفه من الغرف في يوم محدد ومايخلص اليوم الا وانا منظفتها كللللها
وبعدها سويت الغداء وتغدينا وبروح بعد شوي اغسل المواعين ان شاء الله
ومع ذلك انا حامل وتعبانه وبالثامن الله يسهل ولادتي ادعوا لي والله احس بعد الشغل ان ضهري اوجعني
بس شعور لايوصف ينسي كل التعب والجهد اذا انجزت شي
اسسسفه اذا طولت عليكم
ولكم ودي وحبي