ام الزوج

بعض أمهات الزوج معاملتها تجبرك تحترمينها ماشاء الله والحمدلله أم زوجي منهم الله يطول بعمرها بس هذا مايعطيني حق أصادر شكاوى البنات من أمهات أزواجهم لأن بعضهن تعدك ضرة مو زوجة ولد وتحاول تطيحك من عين زوجك قد ماتقدر المهم الوحدة ماتشيشه على أمه وتفرق بينهم تأخذ حقها منه كاامل بدون هضم حق أميمته وياليت بعد تنكتب حروف منمقة مثل هذي تتحدث عن زوجة الولد لأن زوجة الولد هي اللي تركت بيت أهلها عشان هالزووج وصارت جزء من أهله عشانه بينما الأم ولدها دايم قدام عيونها وزوجته ماتقدر تمنعه مثل مابعض الأزواج يسوي ويمنع زوجته من أمها وأهلها يعني لازم نكون منصفين من كل الفئات فيه جيد وسيّء ..

يعطيكي العافية 

👍👍👍

جميل الكلام الله يسعدك




دعواتك لي بالذرية الصالحة السليمة الكاملة المعافى وان ربي يفرح قلبي ويعوض صبري

حبيبتي كلامك عين العقل وانا الحمدلله مرتاحه من ام زوجي الله يخليها لنا لاني بسكن مستقل ولكن سلفتي تتشكي انها بالطالعه والخارجه تلصق فيهم عناااد عشان زوجها مايشتري لها شي ومره كانو طالعين بعد ماوعدها يبدل جوالها وامه يوم عرفت بياخذ لها جوال أصرت هي بعد تبي واحد مثله مع انها كبيره بالسن وماتعرف للاجهزه اللمس والذكيه ويوم قال لها ولدها مااقدر اخذ جوالين قالت له اجل لا تأخذ لها هذا كلام سلفتي فهل معاها حق تزعل وتتضايق مع ام زوجها او لا هي ماانكر طيبه بس للأسف ماتحب عيالها يصرفون علي زوجاتهم ابد احس هالطبع فيها حتي اذا شافت علي شي جديد تتضايق ودايم تسالني هذا بكم وهذا من وين واذا قلت لها هديه من اخواني تنبسط واذا قلت لها شاريه زوجي حتي لو عبايه جديده احسها تتضايق وتجلس تهذر وليه تكلفين عليه ورام ومايجوز يابنتي مع انها تأخذ من عيالها الي تبيه ماديا وحتي لو ماعندهم مايقصرون عليها مستعدين يتدينون عشانها احنا ماقلنا مانحبها بس ليه تقطع رزقنا انا الحمدلله بعيده عنها لكن سلفتي والله تسولف والدموع بعينها عذرتها ليه بعض الأمهات الله يهديهم ماتبي تشوف خير ولدها لزوجته طيب ليه متزوجها عشان يحرمها لدرجه حتي مره تقول لودلها مايحتاج تعطيها مصروف لا بغت شي تقول لك وخلاص وحتي زوجي قالت له هالكلام والي اليوم مخبي عليها انه يعطيني مصروف عشان لا تزعل بالله وش نسوي بهالحاله انتي انصحينااا صرنا نشتري الشي او نصرف الريال مثل الحراميه لانه لو عرفت شوووفي الزعل الي يصير ممكن شهور تقاطعنا

الله يجزاك خير