أمهات وحكيمات عالم حواء ...دلوني

انا أعطي ولدي اذا طلب وهو اولى ابتدائي
اذا كنتي ما تبغينه يأخذ اكثر كل يوم عطيه
الفلوس بيده لا تخلينه يأخذ هو
بعدين لا تشدين عليه مره لان ممكن الأولاد اللي
معه يجيبون اكثر من 3 ريال ويبي يصير زيهم
مره شريت كرتون اوريو وخلص على طول واستغربت
صار ولدي كل يوم يوزع على أصدقاءه

ترا احيانا تكون غيره من اصحابه بعضهم يكون مصروفهم خمسه ريال وبنتي اعطيها اربعه ريال ومعاها احيانا من البيت مويه وعصير تقولي اعطيني عشره ريال فلانه وعلانه مصروفهم عشره ريال قلت لها ليه عشره ريال اذا اشتريتي ساندويشه وعصير وشيبس وبسكوت كفايه فين تودي الباقي قالت ارجعه لك عرفت انها ودها تتفشخر زيهم لكن فهمتها انه المصروف لاكلك وشربك لو جعتي او عطشتي مو اتفشخر فيه فيه بنات ماعندهم حتى ريال ياخذوه للمدرسه ويرجعو بيوتهم جيعانين وانتي احمدي ربك اعطيك مصروفك ويكفيك فاقتنعت
انتي فهمي ولدك واساليه ليه سوا كذا وهل بباله شي يبغى يشتريه غير الاكل ؟

صباح الخير

اولا تطلبتس يمي واسالتس بالله لاتضربينه
هاااا هذا طلبتس اسالتس يوم الله مو تقلووون العنوووود ماحلفتني
تراني اغلي الاطفال
و3ريالات وش يسون الحين
وربي انهم نعطيهم 5ولاتكفي يمي الدنيا غلت واللي بالمدرسه مضاعف سعر اللي برا
وانتي فهميه وافهمي منه وليه سوا كذا وش السبب
حواريه وافهمي منه احسن ماتحطين الخوف بقلبه ويصير يعاند بسلوبه
ورعان المدرسه مرات يغارون من بعض هاااا انا عندي مصرف اكثر منك
يحلييييلهم يعني تراني اشتري اللي ابغاه
انزلي لعقله يمي وافهمي منه
بدوووون ضرب هذا انا حلفتس وكيفتس
ربي يصلحه لتس ويهديه

تفاهمي معااااه بالنقاش الولد صغير لسه وفهميه انو عيب وحرام ومايصير تسرق واذا تبي شي يجي يقوووول لك ومن هالكلام والفلوس شيليها عنه لا تخليه يعرف مكانها

شوفي حبيبتي 3 ريال ما تكفي
أسعار المقصف مرتفعه شوي يعني أقلها خليها خمسه ريال
و غير كذا لازم بالموضوع هذا تجلسين معه جلسة صراحه
و تناقشينه عن الأسباب و توعدينه يكون الموضوع بينكم
و ناقشيه بهدوء و أحضنيه و أنصحيه و فهميه أنه تصرفه غلط
و أحتويه و قولي له أنا أمك و أبي إفرح فيك و بأخلاقك
ما ودي ولدي يكون سراق
و لا تنسى حبيبي شي إذا أنا ماشفتك و إذا محد شافك تذكر أنه الله يشوفك
و بيسجل لك سيئات !!
أنا سبق و سواها ولدي و ماكنت مقصره معه و من جلست معه و ناقشته و نصحته
و خوفته من الله الحمدلله تفهم كلامي و وخجل من تصرفه و جلس يبيكي مستحي
من هالحركه و وعدني مايعيدها و قلت له إذا تبي زياده قلي أستأذن مني
حتى تاخذ الفلوس و أنت مرتاح
و قلت له أنت لما أخذت الفلوس ما كنت مرتاح شريت فيها بس مو مرتاح صح ؟!
قال أيوه كنت متضايق عشان أنتي ماتدرين ! قلت لا تفرح الشيطان ولا تسمع كلامه
كل مايقولك سوي شي غلط قل لااااااا و لازم ترضي ربك و تكسب حسنات
ومن هالكلام كثرررت عليه و الحمدلله تخلصت من هالعاده ....
لازم تتصرفين بحكمه و هدوء و بسريه يعني مهم توضحين له أنه محد بيدري
وهالشي بينكم هنا بيقدر لك تصرفك .....