شاركي في النقاش

سجلي الدخول لإضافة تعليق.

التعليقات

2,039
  1. @alastathh_abdaaa

    انا اول ولاده كنت كل شوي بالطوارئ احسبها ولاده. ونفس أداري يقضبوني الباب.
    وكان عندي موعد بنص التاسع واصحى ارتب البيت واغسل المواعين وأصلح حلى أقول عشان العصر أمخمخ عليه واروح لموعدي زوجي بالطريق يقولي تخيلي يقولون لك ولاده وانا أضحك اقوله لا سلامات. لما دخلت ع الدكتور ويصلح سونار ويسالني كيف الحركه قلت كويسه قال نزل عليك مويا قلت لا قال المويا ناقصه واصله 6 وهي المفروض 11 والمشيمه بدت تشيخ وماتوصل غذاء للبيبي لازم ندخلك الحين ونعطيك طلق صناعي.
  2. @alastathh_abdaaa

    ودقيت ع زوجي واصيح أقوله بيولدوني وهو فرحان المهم ماحصلوا لي سرير بالولاده طلعوني التنويم قالوا بكره الساعه 6 نبدأ الطلق الصناعي . وتجي دكتوره تقول بكشف عليك وتصلح لي تحريض يمممه يعور صوت صياحي وصل آخر المستشفى وهي تقول هذا كله لمصلحتك. لما جت 12 الليل ويجيني طلق كل 10 دقايق لما جو الصبح كشفت الدكتوره قالت فاتح 3ونص وفيه طلق منتظم يعني مراح تحتاجي صناعي احمدي ربك وينزلوني كشك الولاده.
  3. @shykhh_alrym

    نيراس

    تهبلين 😂🌚🌚

    دايم لك مواقف وقصص يقطع بليسك

    العسكري برياض يوفرون كلش ماشا الله حتى مناديل التمسيح اثناء غيار البيبي كل شي عندي


    بس دايم أطيح بناس بيئه يعني مثلا ماتعرف للافرنجي اظطر اروح بحمامات الغرف الي جمبي😥😔

    ومره وحده جمبي الله يستر عليها اخذت شبشبي وراحت تمشى تقول جايه بااسعاف مامعها شبشب😣 طيب وانا وش ذنبي استأذنني طيب !!


    ومره جت وحده جمبي وتبخ بخ من العند الخايس ريحته صدعا براسي وترتفع حرارتي طلع شمم 😭😣عاد هذي دعيت عليها من الي شفته من وجع والم استغفر الله الله


    ومره وحده جمبي طلبت ديديورنت مزيل عرق يعني!!! بالعقل بعطيك حقي



    أشك اني برياض أطيح بناس ماش


    ومره وحده جت تقومني 😂نقول دقي على زوجي معها ابوكشاف وماتعرف له


    ومره وحده اخذت الشاحن وماعد شفته


    اكمل؟؟؟😂😂😳😳



    ترا أإنا اتنوم اربع ايام فا يجون جمبي والادات طبيعي وانا طحت بهالعينات بولدي وبنتي واتنومت ببنتي بسابع عشان ضغطي ارتفع وتنومت اول التاسع بولدي عشان الحركه قلت

    وبس سلامتكم


    اشهد ان لااله الا الله حسبي الله عليه توكلت وهو رب العرش العظيم

  4. هههههههه اهم شي مبسوطين على مواقفي فديتكم 😂😂
    اتوقع اللي كانت جنبي مستحيل تنساني لاني خلصت ثلاث ارباع الفوط وطلبت من زوجها يجيب 🙈


    بدوعه ترا الدكتوره الباكستانيه تداوم في الخرج والرياض
    علمتني اليوم اسمها سمينا مره رهيبه 😍😍


    شيخه الريم
    لا صراحه غطيتي علي خخخخخخ من جدك فيه ناس تطلب مزيل عرق
    والثانيه ماتعرف الافرنجي انا اقدر اولد في العسكري بس ماابيه 😳😷
    عندي اليمامه افضل بصراحه

تابعي تجارب أخرى من هذا القسم.