الموضوع مغلق

رخام وإلا جرانيت؟؟؟؟؟؟///قديم

السلام عليكم ورحمة الله وبركاته
أخواتي أبغي مساعدتكم في إختيار أرضية بيتي الجديد إن شاء الله
شو أفضل الرخام...وإلا الجرانيت...
اللي أعرفه إن الجرانيت أفضل من حيث الصلابه....بس الرخام أفخم...
زوجي يبغي رخام...وأنا أشوف إن الرخام حلو بس مش عملي...يعني شي منه يشرب السوائل إذا إنكبت عليه...وسوينا التجربه على عينات...
وثاني شي في من الرخام بسرعه يتشقق....يعني أي شي ثقيل شوي يطيح عليه على طول يسوي علامه ...
وطبعاً سعره غالي...
الجرانيت ما عندي فكره عنه..
وزوجي من رايه إنا نحط أرضيات خشب للغرف والدرج...ونحط رخام للمجلس والصاله والمدخل......
وأنا خايفه من الخشب أخاف يوصخ إذا إنكب عليه ماي أو أي سائل... مع إنه دافي في الشتاء وصحي أكثر من الرخام والجرانيت...
والله محتارين إنا وزوجي...
اللي جربوا الخشب والرخام والجرانيت...خبروني بتجاربكم...
وساعدوني في الإختيار جزاكم الله خير

13 تعليق 34,763 مشاهدة

شاركي في النقاش

سجلي الدخول لإضافة تعليق.

التعليقات

13
  1. @neenee

    el ro5am afdal ...



    granite not nice in homes - it may be used in kitchen counter tops













    sorry i can't write in arabic nowadays
  2. @raaayt_albosh

    الغاليه انا انصحج عن تجربه الجرانيت افضل من الرخام لأنه الرخام يبهت لونه اما الجرانيت يحافظ على لمعته ونظافته
  3. أنا رايي من راي راعية البوش

    الرخام يفقد لمعانه

    أقولج الجرانيت وااااايد أحلى وأحسن

    أنا شفته وابصراحة واااااااااااااااااااايد عيبني بغيت أتخبل يوم شفته
    خصوصا اللون الزيتي
  4. راعيت البوش
    الغاليه انا انصحج عن تجربه الجرانيت افضل من الرخام لأنه الرخام يبهت لونه اما الجرانيت يحافظ على لمعته ونظافته
    اختي العزيزه
    انتي أثرتي موضوع من اهم المواضيع اللي يحتاج لها الواحد في منزله ومن خلال مقارنات قمت بها شخصيا تاكدت انه كل نوع منهم يصلح لمنطقة معينة
    الرخام :- انواعه لاحصر لها ويمكن التلاعب فيه بسهولة من الموردين
    يركب في المجالس الدرج ممكن في غرفة النوم الرئيسية
    طبعا ملاحظة الأخت بأنه لونه يصسر باهت صحيح لكن هذا لرخام معين مثل الرخام العماني مع ان ألوانه من أروع الألوان لكن بعد فترة يعمل حفر ويبهت وممكن تشوفينه على الواقع في مسرح شاطئ الراحة بأبوظبي
    طبعا علشان توصلين لرخام جيد وبسعر مناسب خذي الرخام التركي وحاليا في نوع اسمه (ببتشينو) وطبعا الاسباني والايطالي افضل وافضل مثل (الكريما مارفل)
    في النهاية ماأنصح من خلال الاستشارات والخبرة بتركيب الجرانيت داخل المنزل وبامكانج تظيفين لمسة جمالية راقية على المساحات الواسعة منه باضافة رسومات ليزر .

    الجرانيت :- يعتبر أفضل شيء وبدون منازع لمدخل الفله والدرج الخارجي ويتحمل تقلبات درجات الحراره ولايتشرب السوائل علشان شذي يستخدمونه في المطابخ بجوار المغسله والفرن لكن مايعطي فخامة الرخام ( معناته كل شيء له مكان معين)
    أخيرا بالنسبة للخشب أو الباركيه طبعا أنا أنصح بالفينل لأنه طبي وراقي وفيه كل درجات الخشب وممكن تركبينه في أي مكان (غرف النوم ، الممرات ، حتى الصالة الرئيسية ) وموجود في محلات كاربت لاند في الامارات
    طبعا آسفه طولت عليكم وانا مستعده لأي إستشاره
  5. الجرانيت ترى مو رخيص بسعر الرخام بعدين الجرانيت يحطون برى البيت لانه قوي وايد

تابعي تجارب أخرى من هذا القسم.