يلي راحت لندن و شافت ، تعالوا ســـاعدووووني!

السلام عليكم يا بنات. شخباركم؟ هذي طبعا أول مشاركة لي في المنتدى بس يا خسارة طلعت طلب بس يا ريت تساعدوني لأني ما يتكم الا لأني أعرف ان انتوا وايد ذوق. أنا يا حلوات مقيمة في بريطانيا من حوالي السنتين و قبل كنت بالامارات و من هل السنتين ما سافرت ولا مكان (إلا داخل بريطانيا طبعاً) يعني ثقافتي باللبس مب هالقد. المهم سرت لندن من أسبوع أغير جو و يا ويلي من اللبس اللي شفته ، شي ما شاء الله رووووووووووووعة يهبل:32: (أقصد لبس الخليجيات اللي بعد يغيرون جو هناك مب الانجليزيات) و درت بهالمحلات يمين شمال :7_18_2: و ما أشوف من هالأشياء أبد و رديت بخفي حنين :29: . فيا ترى في حد من البنات الذوق اللي ساروا لندن يدلني من وين تييبون هاللبس الروعة؟

مع تحياتي
أختكم
ملاذ

7 تعليق 2,893 مشاهدة

شاركي في النقاش

سجلي الدخول لإضافة تعليق.

التعليقات

7
  1. @mlath88

    صاحبة الموضوع
    أفا أفا يا بنـــــــــــــات 68 مشاهدة و ولا مشاركة وحدة ولا حتى جبر خاطر؟؟!!! أنا زعلت ترى جذي من أول مشاركة؟؟
  2. مرحبا اختي بصراحه انا ماقد رحت لندن ولا خارج مملكتي الحبيبه

    لاني احبها مرررررررررررررررررررررررررره


    على العموم البنات راح يساعدوك ان شاء الله

    سلام ........ اختك ............ شريان 5
  3. اعتقد انك شفتى البلايز الطويله اهى حييل دارجه بالكويت وتكون من تصميم بنات كويتيات اذا هذا اللى تقصدينه البلايز الطويله فهذى تحصلينها بالكويت واى استفسار انا بالخدمه
  4. اسمحيلي بس تكلف الخليجيات في الحجاب والمبالغة في الغرابة يفشلني!! كل وحدة كانها تقول انا هنا!!وبصراحة-ومن غير زعل-التصاميم اللي طايحين فيها بعض المصممات الكويتيات فيها مبالغة جدا!! ما أدري كيف تتسمى أنيقة!!تحسين ان المصممين الأجانب أرقى من كذا بكثييييييييييييير..هذا غير ان الحجاب (حجاب)يعني تختارين نوعية قماش راقية..قصة انسيابية وخطوطها حديثة..ألوان تناسبك ودرجات جديدة..حذاء وشنطة تبين ذوقك من جد..وفي نفس الوقت بالإطار اللي الله شرع الحجاب من أجله..والله اني أحرج من زيادة المكياج عندنا الخليجيات..رفع الحواجب للعجايز والشباب!!تكامل زايد حاله يعني تحسين الوحدة اوفر بقووووووووووووووووووووووووووة..تابعي المصممين العالميين الراقين وشوفي كيف كل مالهم يزيدوا بساطة وفخامة!!شانيل وفالنتينو وغاي ماتيولو ودونا كارين ودكني..وغيرهم كثييييييييييييييييييييييييييييييييييييييييييييييييييير..
  5. كن قويا!!!
    اسمحيلي بس تكلف الخليجيات في الحجاب والمبالغة في الغرابة يفشلني!! كل وحدة كانها تقول انا هنا!!وبصراحة-ومن غير زعل-التصاميم اللي طايحين فيها بعض المصممات الكويتيات فيها مبالغة جدا!! ما أدري كيف تتسمى أنيقة!!تحسين ان المصممين الأجانب أرقى م…
    السلام عليكم..
    اختي انا في بريطانيا صارلي فتره ..بس مو ساكنه في لندن..
    رحتها كذا مرة....
    اش قصدك بملابس الخليجيات الحلوة؟؟ تنانير والا بلايز ؟؟والا ايش بالضبط؟؟...
    اتمنى اساعدك اذا قدرت...

تابعي تجارب أخرى من هذا القسم.