تجمع الأمل 85 للمقبلات على عملية اطفال الانابيب والمنتظرآت نتيجة التحليل

بنااات قريت موضوع بالمنتدى وحده توها تكتشف ان فيها توام والحمد الله الله يتمم عليها يارب

تضايقت من رد وحده عليها تقولها شيلي الموضوع هنا في ناس ماجابو ويمكن يعطونك عين ...

انا انصدمت بقووه ودمعتي وقفت بعيني من هالرد انا صحيح حامل
بس نفس الوقت محسسين اللي ماجابو انهم يعطون عين ويحسدون
انا شفت الموضوع وضاق خلقي شلون لو وحده غيري وربي مارزقها

تكفون اذا الله عطاكم هالنعمه لا تتكبرون علئ غيركم لان ربي قادر علئ انه ياخذ ويعطي

خوخه هالاشكال كثير الله يشفيهم هم
اللهم لك الحمد راضين بقضاء الله وقدرة
وبالعكس اي وحدة نسمع انها حملت
يمكن حنا اكثر ناس نفرح لها وندعي
لها والله ثم والله من قلب.

مرح حبيبتي تحليلي يطلع الاحد بس
كلمت المنسقه قبل ساعه قالت لاااا
ضروري تسافري مكان قريب منكم
و تسوينه لان مفروض الاسبوع الجاي
تعيدينه بعد. الله يفرح قلبك مرح و يرزقك
اضعاف ماتمنين و لك دعوة بصلاتي ان شاء الله

بنات حسيتو باعراض في اول يوم الترجيع
انا رجعت اليوم واحس بالم اسفل بطني وظهري كمان 😥

السلام عليكم بنات
ألف مبروك للحوامل الله يتمملهم ع خير ياااارب
ويرزقنا احنا الباقيين كلنا

دخلت عليكم في آخر التجمع القديم وبعدها مافضيت

للي مايعرفني أنا قبل سنتين حملت حقن مجهري وبفضل الله ماشاء الله جبت توأم الحمدلله
وهالمرة قلت باعيدها ع أساس نحدد جنس الجنين مشتهية بننننت
المهم وبدأت في التنشييييط وانتوا عارفين المعاناة إلين سحبوا البويضات
واتفاجأنا بالنتيجة
مو مثل المرة الي راحت أبد أبد
ماطلع معهم الا 4 بويضات
2 منهم غير ناضجات
وماتلقح من الثنتين الا 1 بس !!!! والجنين درجة ثانية بعد
قال دكتوري)عبدالعزيز الشهراني في بنون(حرام نفحص الجنس وهو جنين واحد تكلفة عالفاضي وووو
تألمت جدا ولا أدري ارجعه ولا أتركه بعدين استخرنا ورجعناه
وانا الحين لي 7 أيام من الترجيع
الله يتمم ع خير لي ولكل المنتظرات يارب قادر كريم

أحلى دنيا أنا أول يوم ترجيع إلى رابع يوم ثقللللل باسفل بطني والام مثلك
بس اتوقع ﻷني شدييييت مررة وقت الترجيع وتألمت من العدة البايخة ذا الي يحطونها
لا ونزل علي دم بعد اول يوم الترجيع
توقعت اني انجرحت من الكشف وكذا

توكلي ع الله وخذي نشا مع موية ورد
وكثري حليب وخيار وسفرجل انا ماقدرت عالحليب ذبحتني الغازاااات وانتوا بكرامة