هم البنات للممات

الله يعينك
والله انه زوجي وبناتي يزنون الا يبغوا ايبادات لهم وزوجي يقول عادي وراقبيهم ياالله في شغل البيت والمدرسه لسه اراقب والله عشنا وكبرنا بدون اجهزه ولاحتى جوالات ومافينا الا العافيه والى يومك بناتي لاجوالات ولاايبادات واللي تقول عني متحجره خليت التحرر لهم حتى عيالهم الي بخامس ورابع بجوالات وايبادات وترا ماهو عدم ثقه في بناتي لااااا هذا عدم ثقه بالاجهزه واللي فيها مهما سويتي الا مايجيك من وراها بلا

الله يجزاك الف خير
وربي يسهل عليك ويرزقك الولاده السهله الطبيعيه عاجلا

صادقه بتفكيرك
ومهما قلتي بتراقبيهم تراها شهر شهرين وبعدها غصبا عنك تنسين وتثقين الله يصلحهم بس

اه يابنات من امس الفجر وانا مصدومه في بنتي لاني فتشت استديو الصور في الايباد حقها بتمعن وياليتني ماشفت الي شفته

طلعت مرسله صور اختها الي اصغر منها على اساس انها هي 😭😭😭😭😭

استغفر الله العظيم حطيت يدي على راسي وكل ماقلت اسامحها اتذكر اش ذنب اختها واختها ماتدري عن شي عمرها ١٤ مصوره لها ٨ صور وحاطتها بصوره وحده

يوم زهمتها امس قلت ابخليها تفضفض شوي لانها حابسه نفسها بالغرفه وقلت لها مرسله صوره اختك على انها انتي ؟؟ كيف طاوعك قلبك مو حرام عليك

قامت تصيح وتقول والله يمه عماني الشيطان والله مادري كيف سويت كذا والله يمه انك ربيتينا احسن تربيه قلت وينها 😭 ؟؟؟ وقامت تحب راسي وقالت والله يمه اني تغيرت وبتشوفيني بنتك الاوليه واحسن تكفين سامحيني قلت اطلبي الله يسامحك وانسي كل الي صار وكل ماتذكرتي شي قولي اعوذ بالله من الشيطان وتوضي وصلي قالت اوعدك يمه لانسى كل شي وحضنتها وقلت خلاص روحي غسلي وجهك

انا ماخبرت ابوها عن صور اختها استصعبت الموضوع مرره المهم هوه ناوي يكلمها من امس ويقولها خلاص انسي الي صار وقال لازم نحتويها ونسامحها الله غفور وحنا مانغفر لها وقلت اجلها لبكره والله مسكينه ماصارت تاكل ولاتشرب ولا تتكلم وانا بس افكر فيها
حبيت اقولكم المستجدات في موضوعي والله يصلحلنا النيه والذريه ويجعلهم قره عين لنا

 انا اشوف يوم منعتي عنهم الايباد فعل سليم ميه بالميه واتفق  معك وجزاك الله خير لو تركتيهم ممكن يصير الموضوع هين عليهم ويستمرون بدردشت الشباب وعندي رايي انك تتركيهم هم يتسامحوا منك حتي يحسوا بالغلط والله يتمم  زواج بنتك ويوفقها واختها.