ღ¸قروبنا الخامس و العشرون ليوميات العناية بنصف الجمال!!¸ღحياكم بنات حواء/إكتفى

سلامتك هذا شي طبيعي أنتي المفروض توقفين خلطات واقعدي على زيت واحد خام غير مخلط مثل خروع لحاله واقعدي 3 شهور عليه، أنتي خالطه ثوم وبصل وحلبه مع زيت نارجين مخلط مع دابر ! والحنا مخلطه بعد مع اعشاب وحبة سوداء وحلبه ! وحده أخصائية تجميل بمجمع المملكة على ما أذكر كان وقتها فيه مهرجان كنت أبغى زيت نارجين أصلي ﻷني شفت وحده تاجره بالاستقرام تقول تبيعه هناك وقت المهرجان فراحت أمي وما خلت وحده إلا ما سولفت معها هههه ، الله يذكرها بالخير الاخصائية سعودية ومعها مصرية كلهم فادوا أمي بالزيوت المناسبة فقالت السعودية ﻷمي ابعدي بنتك عن الحبة السوداء والثوم والبصل ﻷنها قويه على الفروة عند بعض الناس، بس أنا عنيده حطيتهم من زود الثقه ﻷني قلت وش عرفها هذي مجرد أخصائية مكياج، وطاح الربع من شعري الله يذكرها بالخير، فقعدت أسبوع ﻷسبوعين أمشط شعري من جهتين خوفاً عليه ويطلع ملياااان بغيت أنجلط ثم اﻷسبوع الثالث استقر الوضع يالله لك الحمد توووووووووبه اخلط خرابيط والشعر بعده تعبان، المهم فقلت احط خروع فقط وأشوى الوضع مستقر بعد هذه المآساة اللي صارت واللي مضى عليها شهر تقريباً، فصرت أمشط وأقول الاذكار، والبصل والثوم صرت أحطه باﻷكل ابرشهم على بيض والحبة السوداء كذلك احشرها بأي أكله المهم ما يقربون شعري

اليوم ماسك الصبار والبيض

ونسيت بعد حطيت مره وحده فقط زيت الجرجير أصلي من وادي النحل على شعري وربطته بس كل شوي افك الشباصة واسحب من شعري أشوف طاح شي عشان ألحق اغسله لو شفت شعر كثير، ما كملت ربع ساعه إلا بديت أشوف شعرات طايحه من الغره ومن ورى وأنا على طول أركض على الحمام الله يكرمكم واغسله أشوى لحقت على الباقي، يمكن أنتي زيي ما ناسبك الجرجير ﻷنه حار على فروة الراس؟

من وين اجيب الصبار بالرياض اللي عندها فكرة تقولي .. الله يسعدكم يارب .

اليوم راحه