أنت خاين

السلام عليكم ورحمة الله وبركاته .. 




حقيقة ما اعرف اسوي مقدمه كويسة خصوصا ان مشاركاتي قليلة جداً ، بس متابعه لمواضيع المنتدى ، جميله واستفيد منها ان شاء الله ، وحبيت اشارككم تعليق لي عن موضوع خيانه الرجل للزوجة ، من خلال متابعتي لكثير من مواضيعكم وعسى الله لا يجيبه لنا ويرزقنا الزوج الصالح 




كثير منا يشكي الرجال خونه ومالهم امان ومن هالقبيل ، ليه ماندرك ان هذا الرجل هو اخوي واخوك او ابوك او عمك او خالك ، او احد من اقاربك ، وليه صارت هالظاهره منتشرة كثير ؟؟ هي اسباب كثيرة ومن ضمنها ،اهم سبب يرجع لتربية البيت سواء للولد او البنت ، ليه مانعترف ان كثير متزوجات مقصرات ، ليه مانعترف ان بعض البنات اول مايجيها عريس تفرح وتطير فيه وتوافق من دون ما تتريث في هذا الميثاق الغليظ !! وبالاخير يطلع وراه مشاكل ، بكلامي هذا ما ابرر للرجل لا ، ولكن ماتعتقدون ان الزوجة مشاركة في المشكله هاذي ولها تأثير كبير ، عن نفسي ما وجدت في اسرتي من مشاكل الخيانه هاذي ، خصوصا الضيحة الاولى في هالمشكله احنا حواء !! حتى ايضا الشاب واجب من اهله يبحثون له عن الفتاة الي تناسبه موب تناسب اخته ولا امه ، على سبيل المثال اخوي من فترة كبيرة ندور له وماحصلنا المناسبة له ، وهاذي امانة بالنسبة لنا ، لان لو حصل مشاكل بالمستقبل راح يرمي اللوم علينا احنا ، اتمنى من كل بنت قبل تقبل بالعريس تفكر في امور كثيرة ومن اهمها دينه واخلاقه !! " ولا نمشي على كلام الاولين ، ربي بيهديه " 




اتمنى تتقبلو تعليقي وتشاركوني ايضا ، واعتذر عن عدم ترتيب الكلام .