شاركي في النقاش

سجلي الدخول لإضافة تعليق.

التعليقات

1,997

  2. فراولة2004
    سوسه ومياسه سلامات الحلوات الله يحفظهم قدامهم العافيه بنت الرياض الف الف الف مبرووووك والحمدلله علي سلامتكم انوار اهلًا اشتقنالك اخبارك سماسم وليلوسا ماجديدكم كيف نوناتكم عهد طمنينا كيف البنوته
    لا جديد غير النوم ودعناه من ولدنا ولدي مرره بكاي
    انتي كيف ريتال عسى كبرت شوي ههههههه تلاقيها نتفه الله يخليها لك



    مسكنك روحي
    الحمدلله الي لحقو على ولدك وربي يكتب لك الاجر


    رونق
    الف الف مبروووك والحمدلله على سلامتك💃💐🎊🎉💃💐🎊🎉💃💐🎉🎉

  3. @ronk_alhyaamp

    بسم الله
    بدت معاي الام من يومين. تروح وتصحيني من النوم احيانا طبعا خلال هاليومين كثرت مشي وشرب عصير سيزر باالانناس بعدها نزل مني دم ولسا مافيني الم منتظم او الالم اللي يخليني اقول بولد خفيف. ومتباعد ووقتها استشرتكم عن سالفة هالدم وانه استمر للمغرب والالم خفيف وكل ثلث ساعه تقريبا وقاومت اني مااروح الى ان جات الساعه 9 بالليل وقتها زوجي اصر اني اروح عالاقل اتطمن من ناحية هالدم اذا طبيعي ورحت. وانا ارجف حسيت اني بدري رحت. بالعاده مااروح لهم. الا لان المويه انكبت هذا اللي متعوده عليه المهم قاست قالت لي الرحم فاتح 2 ونص وعنق الرحم سميك بكيفك حابه تتنيمي او تطلعي. وسوت. لي تخطيط قالت الطلق خفيف والافراز الدموي اذا مع سائل عادي الرحم يتهيئ اطلعي واذا زاد عليك شي ارجعي
    انا وقتها حسيت من قاستني وانا بدى الالم يتقارب حتى بطريق الرجعه للبيت حسيت كل شي زاد. وبديت اتوتر. وصلت البيت الساعع 12 حاولت انام ماقدرت الطلق انتظم. كل ربع ساعه وكل ماجات طلقه صرت تمثال الحريه على قولتكم قمت تروشت بماي دافي للمره الرابعه زاد الالم وقل الوقت بين كل طلقه جات الساعه 3 الفجر وانا اتلوى من الالم توني اقول خلاص هاذي اخر طلقه بقوم بعدها البس واصحي زوجي واروح للمستشفى توني انتظرها تروخ هالطلقه الا ماشفتها الا زادت بقوه وتفك المويه معاها نهر وافزع اصحي زوجي وامشي والمويه تهد مثل الولف وحطيت. كوتكس وامشي وماسكه نفسي حسيت باحساس مرعب ان بدون هالمويه بنتي بتروح مني. وركبت السياره وخليتها يحط لي فرشه اجلس عليها والالم طول الطريق يزيد وزوجي توتر حيل وصار يقطع الاشارات وانا بس اون. ووصلت المستشفى ماقدرت انزل جابو لي عربيه وبالموت صعدت على سرير الكشف

    تابع

  5. @ronk_alhyaamp

    وقتها خلاص الالم لايحتمل وقاستني قالت مفتوح سته وصعدوني لغرفة الملاحظه ماقبل غرفة الولاده دخلت دورة المياه وغيرت ملابسي والمويه تصب وكل ماجات الطلقه وقفت مثل العامود وبديت احس بألم فضيع عند منطقة المثانه شي لايطاق وركبت التخطيط وصرت كل ماجات الطلقه حاولت اتنفس تنفس عميق ومنتظم ساعدنتني جدا هالطريقه بتخفيف الالم. واني مااصارخ ولا يطلع لي صوت غير وحده. تتنفس من قلب اللي جمبي اسمعتني هههه
    بعد ماولدت تقولي مااسمع الا وحده كل فتره تتنفس بقوه ومن قلب
    وقبل الاذان بعشر دقايق فتح كامل وودوني غرفة الولاده وهني طلعة الراس حكايه صحت فيها من قلب اصياح بدون صوت وبلحظه وانا ادفع قالت لي بس ماما وقفي انا ماقدرت حسيت بشي محشور ولازم اكمل دفع وقامت تصوت بس ماما وقف بعدها اطلعت بنتي للنور ورتني اياها وانها بنوته وبعدها خذتها انا اهني على بالي خلصنا لا جات الدكتوره وبيدها ابره قلت لها شنو دكتوره قالت لازم خياطه العذاب من نوع اخر الم ابرتين المخدر على الجمبين وبعدها بدت اخيااط وماكأنها بنجت رجلينا صارت تتصافق وبعدها خلصت وانتهت رحلة الولاده بسلام
    اكمل لكم اكشن مابعد الولاده بعد اشوي

تابعي تجارب أخرى من هذا القسم.