بالنسبه لي كنت بتخصصي جده واتوقع تخصصي الرياض نفس النظام
راح احكي لك من البدايه اول ماجبنا من عندهم ورقه كان مطلوب فيها عمل تحليل وناسيه بالضبط ايش ولمين
وطالبين اشعة الصبغه وعملتها ورجعت لهم الورقه وجلسنا فتره ثم ارسلوا انه موافقين علينا واعطونا موعد ورحنا لهم قابلنا اطباء امتياز الظاهر .. وسئلونا كثير اسئله ثم عملوا لي تحاليل كثيره واعطوني مواعيد لعمل تحاليل ثانيه.. شي ثاني الدوره وشي يوم 21 من الدوره وكمان تحليل لزوجي
المهم قالوا تآخذ وقت طويل التحاليل ونرسلها الرياض
وبعد ثمان اشهر تقريبا اعطوني موعد انه اروح اقابل الدكتور وابدأ العمليه
وفعلا بدأنا التنشيط وعملت العمليه
لكن بعدها اصبح مزحوم جدا التخصصي اكثر من قبل
ولازم تتصلي ثاني يوم للدوره وتقولي لهم انه تبغي تعملي العمليه
يقولوا لك راح نكلمك نهاية الدوام وطبعا الدكتور يختار كم وحده والباقي يرفضوهم
ويقولوا لك اتصلي الشهر اللي بعده وهكذا
فيه بنات لهم اشهر ع هالحاله
تجمع الأمل 85 للمقبلات على عملية اطفال الانابيب والمنتظرآت نتيجة التحليل
متابعة النقاش، صفحة 116