**التجمـــع االســــ16ـــــــــادس عشر 💙لاحلى مواليــد💖مـ3ــارس و ابريــ4ــل 2015 *

هو روض حاله 😂 وانتي مصره يكنس الي كسره

اول مايكسر كنت اروح النظف وانا ساكته بس يعرف أني زعلانه من الحركه واكشخ واكله احطله وروح وملابسه اجهزها واجلس العب مع عيالي وأغاني وبين له ان انت خسران وهنا يموت من القهر وصار مايسويها مايحب احد يهمشه جربي هالطريقه

لماياتي ربي يتمم لك ع خير و يشفي زوجك و يسخره لك

ناي .. ربي يسخر لك زوجك و يهديه
اتوقع انه زعل لان اشتريتي من حافز ومو من عنده
لان زوجي لاحظت عليه يزعل و يسوي مشاااكل ع اتفه حاجه لو اشتريت من حافز
المشكله ما يعطيك فلووس و لا يوديك السووق و يزعل جد يقهرووني
و يعني كبريائه تحطم كيف انتي تتقضي من عندك فيسوي مشاكل ...
و يمكن لان حافز شي جديد مو متعودين عندنا فلوس و حنا نشتري و الله اعلم

وربي يهدي زوجي و يسخره لي
الي عندي كمااان مقهوره منه مرره كل يوم يسوي لي مشكله ع شي تافهه و ما يسوى
مدري وش هدفه ،،، بدون شي تعبانه من الثقل و الحمل و النفسيه مش ولابد

ما عندنا مشكله كبيره و لا شي كل شي تافهه بس مو قادره اتحمله خلاص .. صاير ما يهتم و لا يحس و يسوي لي مشاكل سخيفه بكل معنى الكلمه

قبل كم اسبوع سوى لي مشكله علشان ايش علشان ما اسوي له غدا يوم السبت
القهر ان هو قال لاتسوين السبت من بدايه زواجنا و الوضع كذا و فجاه قلب و زعل و بدون مبرر و بدون ما يطلب
مدري وش هالاحساس الزايد الي عندهم يعني ماجات الا و انا حامل
و صرت اصحى اسوي له بدري حتى لو مو نايمه .. هو يرجع من الدوام متاخر و نسوي الغدا العصر بس يوم السبت يرجع الظهر و قال ايش ما يبغى يرجع و الغداء ماهو جاهز لا يبي يشوفه استوى و خلص
و صرت اسوي له مثل ما يبغى رغم ان تعب علي ولدي ينام الصبح و صعب علي اصحى الصبح .. كفايه الحمل هلكني

و الامس الصبح نام ولدي ... قلت لا .. ما بنام بنتظره بسوي له فطور وبعدها بنام
و سويت له فطور و هو صحى مستعجل و بس يطلب هذا و هذا و انا اعطيه اخر شي جا بيطلع
قلت له خذ فطورك معك اخده و عصب .. قال ايش ،،، ماعندك حتى كأس حتى الواحد يشرب فيه ماء
ترى انا ما شربت حتى قطره ماء .. و قالها بعصبيه و اسلووب يقهر
الدولاب مليان .. قصده ما شاف الكاس قدامه ،، و قلت له طيب ..كاس ماء ماراح ياخرك عن الدوام انتظر اشرب قبل ترووح
عصب و سكر الباب بقوه و راح ،، و دمعتي نزلت قهرني من جد مافي احساس
انا تعبانه و نعسانه و جالسه انتظره حتى يآخذ فطوره قبل يطلع وهو ولا حتى سال عني او فكر

انا قلت ممكن عصب علشان آخته طوال الوقت تتصل ع جواله تبغاه يروح لها بسرعه علشان يوصلها الجامعه
و طبعا يوميا يوصلها و مستحيل يعترض مع اهله و انا مشاويري لازم يبين لي طفشه و اني تعبته هذا اذا مارفض بعد

بعد ما طلع ارسلت له ان الموضوع مو مستاهل و كنت تقدر تطلب مني اجيب لك كاس ماء بهدوء

رد علي .. اشتريت لي ماء و شربته
!!!

و لما رجع يقول ،، انا عصبت وزعلت لان حسيتك تسوي لي الفطور بس علشان اسكت و ما اقول مقصره مع الحمل
نفس غدا السبت تسويه بدون نفس .. و اذا مالك نفس تشتغلي بالبيت و تطبخي لاتسوي شي ،،، حقرته و سكت عنه

يعني وش هالتفكير الابداعي انا ما اشتكيت من الطبخ و الشغل و لا قلت له ما ابغى اسوي
مدري من فين جات الفكره هذه

مدري اروووح اهرب و ارتااااح منه و من همه

ام رودين ... سلامتك و ماتشوفي شر

حب ... الله يعينك ع الزحمه و تاجيل المواعيد .. جد حرام ... تنتظري و يرجعوك

مين سالت عن اسم يزن و ريان ؟
بالنسبه لي ريان احلى

لا حد يهاوشني ... بصراحه من زمان نفسي اجرب حركه تكسير الصحون و الاثاث
بس ما يحصل لي اجرب ... انا الي بنظف ،، فما سبق و جربت هههه

يمكن لو عندي شغاله جربت ،،، و دي اروح مكان فاضي و اصارخ باعلى صوت كماان
يمكن ارتاح نفسيا شوي و اطلع القهر الي داخل .. لان ممكن انفجر باي لحظه من كثر ما اسكت و ابكي لوحدي