جاتني حاله نفسيه من الي اسمعه ومن بعض الأمهات الله يهديهم ماأدري مغفله الوحده ولاتستغفل يوم ترسل طفله مع غريب كذا والله اني مره رحت روضة بنتي بوصلها وشفت طفله طالعه من الروضه وركبت مع السواق الوحدها ارتفع الضغط عندي يوم شفتها معاه الوحدها وربي خفت عليها وانا ماأعرفها
و الله اشوف بلاوي من اهمال الوالدين وخصوصا الام تثق في العمالة ثقة عمياء معما كانوا طيبين لا تثقون فيهم واشوف امهات تخلي العاملة تشيل عيالها وهي تلعب بالجوال ..طيب انت عاجزه على حمل عيالك كيف تبغين اجنبية تشيل عيالك وهي تفكر في عيالها اللي محرومين منها ومحرومين من اشياء اخرى اكيد راح تحقد الشغالة للتنظيف ومساعدك مو ترمين بيتك وعيالك عليها وتبغينها ما تحقد اكيد بتحقد عليك...والادهي الاستخفاف بالاجنبي وكأنه ليس رجل اقول لكم عن منظر فجعني وانا صغيرة دخلت بيت جيراننا واكتشفت انا السواق يشوف راعية البيت بملابس النوم وهو رايح جاي وربي صدمة وانا صغيرة استنكرت ورحت لامي وقلت لها امي انفجعت وقالت لا عاد تدخلين بيتهم مع الحرمة طيبه بس امي قالت اذا بناتك بيلعبون معي يجون بيتنا لان ابونا ما يبيها تروح لاحد ...حتى الان ماني مصدقة اللي شفته والله ماني مصدقة والمصيبة زوجها عادي الامر عنده وتقولون العمالة هم الغلطانيين لا والله حنا اول المخطين...ولتعلم كل ام واب ان الله اعطاهم نعمة الولد من فطر بهذه النعمة حاسبه الله حساب شديد لانها روح برئة هي امانة مسؤليتك حتى تدرك وتكبر...انتبهوا حساب الله ينتظركم يا مفرطات...الله يحمي كل طفل من كل شر....امين