°•قصصكم مع النصب والسرقه•°

يوووه كم مره يجي اخبار في جريدة سبق عن القبض على نشالين اللي بالحرم والمشكله جايين من دول ثانية بفيزة عمره واستغفر الله مدري كيف طاوعتهم انفسهم على هالفعل وببيت الله الحرام
حسبي الله ونعم الوكيل
شي يقهر ناس جايه عمره ودافعه دم قلبها ويكون اللي معاه هو كل فلوسه ويجي واحد مايخاف الله وينشله وهو مشغول بعبادته كيف قلوبهم ذولي اعوذ بالله
واللي يقهر لما يجيبوا صور للمسروقات اللي ضبطوها معاهم شي يقهر مبالغ بالالوف وذهب وجوالات واجهزه لاحول ولاقوة الا بالله الله يعوض على اصحابها ويرزقهم احسن منها

انا أتذكر موقفين ماانساهم مره لما كنت بثانوي صديقه كانت تدرس معاي احتاجت فلوووس وانا ماكان عندي وقتها وعطيتها سلسله ثقيله لي باعتها ودبرت عمرها كات قايله لي كسرت لابتوب زوجهاخوها بالغلط وتصليح الشاشه ب1000 ومن بعدها ماشفت البنت الله يستر عليها لا رجعت الفلوس ولا قالت لي وش صار وصارت تتصدد عني ولا كانها مسويه شي
ومره من المرات كنا رايحين البحرين ودخلنا مجمع السيف وجا وقت الصلاه ودخلت الحمامات بتوضي وفصخت اسوارتي ذهب وثقيله وتركتها عند المغسل رحت وصليت وحسيت بشي ناقص وعرفت اني فصخت السواره عاااد رجعت الحمامات اركض وانا فاقده الامل وأول ماخشيت وقمت ادور شويات سالتني عامله الحمام ماما اش في ضيع قلت لها سواره قالت ايش شكل قلت ذهبي ثقيل وطلعتها لي من جيبها الله يوفقها يارب ويرزقها وعطيتها دينادرين ولا رضت تاخذهم ورحنا تعشينا واخذت لها وجبه وعصير وحلا والله انبسطت مرررره وقالت انها كانت جوعانه مره بس بعد ماخلص دوامها

ماحصل اني انسرقت من غرب ، وياليت صارت
عمليات النصب اللي صارت معي من اشخاص اعرفهم ولو اكتب عنها ماتخلص
وطرقهم ملتوية جدا وخسرت فوق المائة الف كمبلغ ، الباقي ماينعد للاسف ..
وطلعت صفر اليدين ، بس انا شخصيتي عملية ومااحب ابكي ع اللبن المسكوب
اعمل فرمتة لدماغي وابدا من جديد ..

رفع