اشفيكم يابنات حواء للدرجه هذي الخير مات بقلوبكم البعض طبعا مو الكل

السلام عليكم ،، عساكم بخير جميعا
ليش كذا صابر القسم اشوف كثير يطلبون مساعدات بسيطه ماحد يرد ولايفكر يساعد
حبي الخير الغير مثل ماتحبين لتفسك وتذكروا قول رسول الله
من كان يؤمن بالله حطوا تحتها مليون خط من كان يؤمن بالله
وتذكروا الحسنات والاجر والدعاء في ظهر الغيب لك دائما وتفريج الكربات كل مافرجتي كربه وحده من خواتك هنا لاتبخلون باي معلومه تعرفونها بيوم من الايام تحتاجين ربي يحفظها لك ويرسلك من يساعدك وعلى اكمل وجه
استغرب تاثثون بيتوكم واكيد استخدمتوا كل ادوات التاثيث من محلات اثاث ومصانع ومناجر و كهربائي وسباك وغيره ليش مستكثرين الخير ببعضكم ترى الدنيا زايله ماراح تاخذين منها غير عملك الطيب لاتجعلي الدنيا اكبر همك اللهم لاتجعل الدنيا اكبر همنا ولا مبلغ علمنا ولا الى النار مصيرنا ...
ارجوكم يااخواتي خصوصا اللي مسنترين هنا بالقسم يتنابهم الفضول اوعندهم معلومه تدخل تقرا وتطلع اقلها ارفعي الموضوع بدعوه طيبه لصاحبه الموضوع ماانتي بخسرانه الدعوه راجعه لك
يااخواتي الغاليات لاتستكثرون الخير على غيركم ولانفسكم لان الخير راجع لكم اولا واخيرا واتركوا الحسد والانانيه وتذكروا مساعدتكم بمعلومه بسيطه تدر لكم الرزق والتوفيق وتفريج الكرب في الدنيا والاخره باذن الله
راجعوا انفسكم وابدوا بخطوه حسنه واحسنوا نواياكم واملي قلبك بالاحسان وبوقفه طيبه مع خواتك المحتاجات لمعلوماتك الثريه لو بكلمتين اوبدعوه صدقيني لها تاثير عميق لنفسك اولا
كان الله في عون العبد دام العبد في عون اخيه ،، الناس للناس ،، وكلام رسول الله لان امشي مع اخي في حاجه خير لي من ان اعتكف في المسجد شهر ،، وعلى نياتكم ترزقون
هالكلمات اجعلوها امام اعينكم وحضروا فيها قلوبكم واغتنموا فيه عمل الخير لاانفسكم
ووفقنا الله واياكم لكل خير ورزقنا الاخلاص بالقول والعمل 🌹