شاركي في النقاش

سجلي الدخول لإضافة تعليق.

التعليقات

1,989
  1. @aasl_almmlkh

    المحتآرة
    يسعد صباحكم ليلوسا لا والله مو نايمين بالعسل أي نوم مع الثقل  وأطفالنا اللي قبل مو مقصرين ههه شمعة كفاحي أم حسين ومحمد ألف ألف ألف مبروووك والحمد لله علي سلامتكم عسل كنت أبرد عليك  بس ليلوسا كفت ووفت طيب ممكن أسألك سؤال وش اللي فيه مو ع…
    شوفي اخذته وانا مو مقتنعه فيه ابدا بس بنت صغيره وامي تصر علي وماادري وين مصلحتي وتحت هالضغط وافقت
    وكل سنه اقول ان شاءالله احبه وأبيه بس ارجع لنفس الافكار
    حتى زوجي يلاحظ علي مرات يسألني وش فيك ومرات يسكت
    أكتم كم يوم وبعدها ارجع لطبيعتي
    ومن ناحية اللي حولي مااتاثر بكلامهم قد مايكون كلامهم يهيض الجروح داخلي
  2. @am_shhooodh_1

    عسل المملكه
    تدرون مرات كثير افكر بكيدي اذكرها ماتحب زوجها وتطلقت منه الله يسهل دربها الله يختار لي ماكانت الخيره فيه.
    اول شي برد عليك عن زوج كيدي هي غير عنك وزوجها طلع مو كفو على كلامها وماقالت شي عن شكله الله العالم وش مسوي في المسكينه لين كرهته وهي توها في شهر العسل
    احمدي ربك زوجك يحبك ويعزك ويقدرك لا تنقلب عليك نقمه انتي اللي مأثر فيك كلام الناس عن زوجك وعن شكله وتقارنينه بازواج خواتك قبل تقارنين بالشكل قارني بالاخلاق ماعطيتي قلبك فرصه تحبينه لان تفكيرك كله بشكله
    حماتي زوجها شيييين تعرفين شين وقصير ونحيف ووكل من شاف شكله يضحك عليه واللي يشوفه يعطيه اكبر من عمره بكثييير بس تحبه تموت فيه وهي تدري انه شين بس ماهمها لان اخلاقه معها زينه وهذا اهم شي
    تقربي منه وحاولي تحبينه بتختفي عيوبه وبتشوفينه بعينك اجمل انسان ولا تقارنين نفسك فيه انتي حرمه والجمال مطلوب في الحرمه ومايعيب الرجل الا اخلاقه
    واقري على نفسك وعيالك وزوجك وحصني بيتك وتقربي من الله وتذكري ان القناعه كنز لا يفنى
    اقولك شي اقرب واحد لك ابوك قارني بين اخلاقه واخلاق زوجك ومعاملته مع امك ومعاملة زوجك لك واحمدي ربك الف مره رزقك بإنسان عوضك عن حنان الاب وقسوته وش يهمك في جماله لو كان قاسي قلبه عليك وعلى عياله وبخيل وراعي حريم وسفريات وخرابيط تمسكي فيه باسنانك زوجك عمله نادره عسى الله يسخرك له ويسخره لك ويجمله بعينك ويعلق قلبك فيه ويجعل حياتك كلها سعاده معه ويخلي لك عيالك
    معليش طولت عليك بس حسيت اني مقهوره الشيطان لاعب براسك وبيخرب بينك وبين زوجك

تابعي تجارب أخرى من هذا القسم.