كل شي عن حافز الأول وحافز الثاني ومشاكله

الجزء الثاني بعد مايرسلون الرقم السري
ادخلي موقع حافز ثم اضغطي على ايقونة تسجيل الدخول

دخلي السجل المدني والرقم السري
خ

لاحظي قدامك جدول منقسم قسمين حافز الاول وحافز الثاني

مثلا ابقدم في حافز الاول تحته فيه كلمة تقديم اضغط على كلمة تقديم تطلع نافذه اضغط موافق

ثم موافق

لاحظي بعد التقديم شكل الجدول بدل كلمة تقديم يصير إعادة التقديم وحالة الاهليه تقديم الطلب طبعا
حافز الاول

حافز الثاني نفس الشي
طبعا حافز الاول من عمر 20 الى 35
حافز الثاني من عمر 20 إلى 60
اللي استلمو حافز الأول تقدم مباشره في حافز الثاني
باقي اكمال البيانات
اضغطي على ايقونة إكمال البيانات

اكملي البيانات حفظ واستمر ان شاء الله سهله على فكره اذا دخلتي بريد يرسل رمز على بريد يتاكد انه بريدك طبعا تدخلين رمزك ثم اكملي اذا وصلتي ادخال الايبان له طريقة اول شي ادخلي الايبان ثم اضغطي على ايقونه اضافة او تغيير الايبان تطلع نافذه تاكدي من رقم الايبان قولي الرقم صحيح ثم استمري حفظ واستمر
وادخال الدخل الثابت لاتحطي شي كلها اصفار ثم ارسال الطلب

بعد مانكمل البيانات لاحظي وش يكتب حالة التسجيل قبل كان مكتوب مسجل وحالة الايبان فاضي
والحين وش مكتوب


مكتوب حالة التسجيل : البيانات مكتملة مع الحساب البنكي وحاله الايبان راح يصير جاري التحقق من الايبان ياخذون اقل شي شهر راح يكتب تم التحقق من الأيبان مطابق

مراحل حالة الاهلية :
اول شي متقدم ياخذ كم شهر
ثم معلق للدراسة الطلب ياخذ شهرين تقريبا
ثم مؤهل
ملاحظه اول ماتقديم في حافز يبدا التحديث راح نقول طريقه التحديث
اللي تطنش التحديث تجيها مخالفات تمنع من إعاده التقديم لمده 12 شهرا
الجزء الثالث نتكلم عن طريقة التحديث

الجزء الثالث طريقة التحديث
كثرت مواضيع الخصم بسبب التحديث التحديث لمده اسبوع يعني كل سبعة ايام فالافضل في الاسبوع مرتين
مثلا انا دخلت يوم السبت متى ادخل المرة الثانيه احسبي سبعة ايام يصير يوم الجمعة وليس السبت
وهكذا
نبدا طريقة التحديث
ملاحظة العضوات اللي توهم مقدمين ماتطلع صفحة الاخطار والاقرار ولا النافذه سجلت دخولك بنحجاح اذا صارت حاله الاهليه معلق للدراسة الطلب راح تظهر مثلنا مافيه اي مشكله اوك
كمان التدريبات ماهو شرط تنزل خاصة الجدد وعادي تتأهل لو مانزلت ولا تدريب اوك
راح اقول نقاط مهمه في النهاية
نبدا هذه طريقه التحديث
ندخل حافز صفحة إخطار واقرار
نضع صح في المربعين ونكتب الرمز اللي في الصورة ثم نضغط الاستمرار إلى صفحة الاعضاء

بعده نشوف المهام والواجبات تنزل التدريبات فيه لا تضغطي على رابط الدخول الى التدريب حتى ماتنسين التحديث حطي صح على المربع الصغير ثم الاستمرار الى صفحه الاعضاء

تطلع النافذه

سجلت دخولك ناحج اليوم الخميس بتازيخ 19-2-1436
بعده اذا فيه تدريب ندخل التدريب من هنا

بعد مانحل التدريب نسجل خروج
ملاحظه نقاط مهمه:
1- بعض البنات تحدث بعد ثمانيه ايام غلط احسبي الايام سبعه ايام يوم دخولك احسبيها معاهم
2-بعض البنات تدخل صفحه حافز تدخل رابط التدريب من رابط الموجوده في المهام والواجبات بدون ماتدخل صفحه الاعضاء هذا ماتعتبر تحديث التحديث هو الدخول الى صفحه الاعضاء
3- بعض البنات تدخل رابط التدريب مباشره تحل الدوره وتخرج طبعا ماتعتبر تحديث راح تجيها مخالفه التحديث هو الدخول الى صفحه الاعضاء وليس الدخول الى صفحة التدريب الالكتروني
باختصار اهم شي دخلتي صفحة الاعضاء اللي فيها سجلت دخولك ناحج بتاريخ كذا وكذا
الافضل ادخلي في الاسبوع مرتين او ادخلي كل ستة ايام بسبب مشاكل الموقع

طريقة تغيير رقم الجوال في حالة عدم وجود بطاقه هويه خاصه فيها
اكتبي رساله نصية إلى 500200
اكتبي 4 نجمة رقم الهوية نجمة تاريخ الميلاد بدون فواصل نجمة رقم هوية ولي الامر
اذا متزوجه هوية زوجك
اذا غير متزوجه هويه الوالد
ملاحظه تاريخ الميلاد بدون فواصل اليوم والشهر لازم من رقمين اذا تاريخ ميلادك من رقم حطي قبله صفر
على سبيل المثال
1/6/ 1435 تكتب كذا 14350106
اذا تاريخ ميلادك مكون من رقمين عادي تكتب مثل ماهو مثال 12/ 10 / 1435 تكتب كذا 14351012
هذا الطريقة بصورة



طريقة تغيير رقم الجوال في حاله وجود بطاقة هوية:
ترسل رساله نصية إلى الرقم 500200
تكتب 2 نجمة رقم الهوية نجمة تاريخ الميلاد بدون فواصل نجمة تاريخ انتهاء الهوية بدون فواصل
بصوره


طريقة تغير رقم السري :
ارسلي رساله نصية الى الرقم 500200
اكتبي ثلاثة نجمة رقم الهوية نجمة تاريخ الميلاد بدون فواصل
بصورة

نبدا في حل المشاكل :
مشكلة
وحده تقول لما تدخل اسم المستخدم وكلمة السر يطلع لها
اسم المستخدم او الرقم السري غير صحيح وهي متاكده إنه صحيح

اذا متاكدة من الرقم وجربتي بإرقام انجليزي اتركيها 24 ساعه لا تحاولين لمدة اربعه وعشرين ساعه بعده جربي بإذن الله تفتح معاك

طريقة تغيير الآيبان
اولا شي اضغطي على إيقونه إضافة او تغيير الآيبان

بعده تطلع نافذة اضغطي لا الرقم غير صحيح

اكتبي الايبان الجديد في الخانات بعده اضغطي على
ايقونة إضافة أو تغيير الايبان

تطلع نافذه تاكدي من رقم الايبان الجديد نضغط نعم الرقم صحيح

بعده تطلع

بعده حفظ واستمر ثم ارسال الطلب
راح تلاحظي حالة الايبان جاري التحقق من الايبان كذا تمام