شاركي في النقاش

سجلي الدخول لإضافة تعليق.

التعليقات

27
  1. طالبة الجنان 1
    جزاك الفردوس الأعلى اختي هند على مساعدتك لي وهذا ما توقعته من اخوات لي في منتدى عالم حواء . تسلمي يالطائعة على المرور وان شاء الله تستفيدي .
    اختي طالبة الجنان الله يرزقج الجنة ويرزق الجميع
    الخنفروش اكلة خليجية مشهورة بذات بقطر والبحرين والكويت
    وهي من الاكل الحلو والفكرة القديمة لها طحين وعفران والخ
    و يقلى بزيت
    لكنها تشرب دعن علشان جذي اغلب الناس يسون الخنفروش الالي اللي بالماكينة اللي عندج لانة اخف وما يشرب دهن ومنظرة ايد حلو لتقديم والضيافة
  2. الريشة الناعمة
    اختي طالبة الجنان الله يرزقج الجنة ويرزق الجميع الخنفروش اكلة خليجية مشهورة بذات بقطر والبحرين والكويت وهي من الاكل الحلو والفكرة القديمة لها طحين وعفران والخ و يقلى بزيت لكنها تشرب دعن علشان جذي اغلب الناس يسون الخنفروش الالي اللي بالما…
    الحين الطريقة والمقادير بتفصيل الملل كما جاءت بالكتاب الطبخ اللي عندي
    المقادير 6
    6بيضات
    ملعقة صغيرة فانليا
    ملعقة كبيرة بيكن باودر
    ملعقة صغيرة هيل مطحون ناعم
    6 فناجين سكر ( المقصود بالنفاجين فنجان القهوة الخليجية )
    6 فناجين زيت
    6 فناجين طحين جميع الاستعملات
    4 فناجين دقيق ارز ( والحقيقة انا احط ملعقتين كبار بس لان دقيق الارز وايد ينشف الطعم وتحتاجين بعدة كوب ماي والاطفال عندنا ماحبوة الابعد ماخففت دقيق الارز بس زوجي يحبة ناشف والناس اذواق )
    نصف فنجان ماء ورد منقوع بة قيل من الهيل

    الطريقة 1
    1 نحضر الخلاط الكهربائي ونخلط فية البيض والسكر والفانليا ثم نضيف الزيت
    2 يخلط في اناء اخر دقيق جميع الاستعمالات ودقيق الارز زالهيل والبيكن باودر .. ثم يضاف على الخليط السابق خليط البيض ويخلط جيدا
    3 اخيرا يضاف ناء الورد والزعفران ويخلط مرة اخرى


    بالنسبة للجهاز
    يسخن ويدهن بالزيت بواسطة فرشاة
    تصب ملعقة كبيرة في كل فالب ويغلق لجين النضوج
    وكل مرة تمسحين بشوية زيت وتصبين الين تنتهي الكمية

    ملاحظة اول مرة لن يكون لون الخنفروش ذهبي لكن المرات المتتالية بيكون لونها ذهبي حلووو
    والطعم لذيذ اكله خليجية 100 %
    وانشا الله اكون افدتج واذا جربتيها ارجوج ردي علي علشان انزلها موضوع
  3. @kramyl_2

    وحده من اهلى تستخدم كراتين الكيك الجاهزة بالنكهات المختلفه اللى تضيفين عليهم
    بيض وزيت بس قللي من كميه الزيت وفعلا حلوه كثير وسريعه للضيوف
    واشتري نكهات والوان مختلفه :)
  4. صاحبة الموضوع
    اختي ludi تسلمي على المرور والجهاز لايفوتك جربت فيه طريقة الدونات وكان شكلها روعة .

    اختي سلوة الخاطر تسلمي على المرور وجربي واعطينا خبر .

تابعي تجارب أخرى من هذا القسم.