التقشير الأخضر

السلام عليكم يا صباااااااااياااااااااااااا


بنات أنا من تقريبا 8 شهور سويت التقشير الأخضر، والحمد الله بشرتي صارت وايد أحسن عن قبل

بس الحين رد ويهي مثل قبل من كثر ما ألعب به :(

وأفكر أسويه مره ثانيه شو رايكم يا بنات
بليييييييييييز ساعدوني واللي ترد علي جزاها الله خير من القلب والله

60 تعليق 50,044 مشاهدة

شاركي في النقاش

سجلي الدخول لإضافة تعليق.

التعليقات

56
  1. @yom_odaaak

    ياشيخه فينك من زمااااااااااااااااااان من زمان ونا اسأل اذا في احد سوى التقشير الاخضر هذا لان انا ابغى اسويه ان شاءالله قبل زواجي بس مو عارفه احسن مكان ولا كيف يتسوى ولا سعرو ولاشي ولاشي.....فياليت تقوليلي فين سويتيه وكيف فادك ولا لا وقوليلي كل شي كل شي الله يخليكي بلييييييييييييييييييييييييييييييييييز<<<<<<مره فرحانه
  2. صاحبة الموضوع
    يوم وداعك
    ياشيخه فينك من زمااااااااااااااااااان من زمان ونا اسأل اذا في احد سوى التقشير الاخضر هذا لان انا ابغى اسويه ان شاءالله قبل زواجي بس مو عارفه احسن مكان ولا كيف يتسوى ولا سعرو ولاشي ولاشي.....فياليت تقوليلي فين سويتيه وكيف فادك ولا لا وقوليل…
    يوم وداعك

    يا عمري والله :)
    حبيبتي ما شفت سؤالج قبل ولا كنت خبرتج

    التقشير الأخضر ممتاز للي عندها آثار وبقع من الخفيف إلى المتوسط
    بس إذا الآثار شوي قويه فتحتاجين التقشير مرتين ، طبعا الخبيره هي اللي تحدد

    وبعد ما تخلصين منه لالالالالالالالالالالالالالالازم تحافظين على النتيجه وهو انج تسوين تقشير كريستالي كل شهر ونص أو شهرين، بشكل عام هو وااااايد فادني وإن شاء الله يفيدج
    بس أنا طبعا لعبت بويهي وما حافظت عليه :( أستاااهل عشاان أتعلم مره ثانيه:42:

    والله حبيبتي أنا سويته في مركز عندنا في بوظبي، وما أعرف وين موجود في السعوديه بس أعتقد انه في أوباجي.

    وبالنسبه للسعر كان للوجه فقط 2700 درهم

    وهذا التقشير يقعد خمس أيام اليوم الأول تسويلج الخبيره التقشير وشوي يعور تبين الصراحه :eek:

    وبتعطيج كريمات تخلطينهم مع تونيك تستخدميه لمدة خمس أيام بدووووووووووووووووون ما تلمسين المااااي ممنوووووووع منعا باتا، واليوم الخامس جلسة إزالة القشوور.

    وتكوني خلللصتي
    وأي سؤال عزيزتي أنا حااضره :26:
  3. cool_lady
    يوم وداعك يا عمري والله :) حبيبتي ما شفت سؤالج قبل ولا كنت خبرتج التقشير الأخضر ممتاز للي عندها آثار وبقع من الخفيف إلى المتوسط بس إذا الآثار شوي قويه فتحتاجين التقشير مرتين ، طبعا الخبيره هي اللي تحدد وبعد ما تخلصين منه لالالالالالا…
    انا مافي شي خرب ويهي وكان سبب دماره غير التقشير الأخضر
    سويته في بوظبي في المركز الألماني عند وحده اسمها امل او آمال
    هي الوحيده اللي تسويه هناك في المركز

    نصيحه يا بنات لا تسيرون عندها... عقب مالعبت في ويهي سمعت عنها من بنات ثانيات والكل يحذر منها... وآخر شي رديت اتعالج عن دكتور جلديه ممتاز اسمه دكتور سمير يشتغل في مركز الدكتور احمد حسن فكري في بوظبي... في حياتي كلها ماشفت احسن منه

    المهم انا مادري شو اللي خرب ويهي هاي اللي مسميه عمرها خبيره واللي التقشير نفسه
    بس نصيحه لوجه الله تأكدوا من المكان اللي بتسوون فيه والأفضل تراجعون المستشفى
  4. @yom_odaaak

    مشكورين يابنات......بس دحين ايش اسوي انا ماعرف غير محل واحد في جده يسوو التقشير الاخضر وصالون بعد مو مستشفى...
  5. نصيحة يا بنات لا تسوون اي تقشير في مركز تجميل افضل شي عند دكتور متخصص ويفضل انج تسالين عن الدكتور قبل لاتسوين عنده التقشير ... لأنه احتمال الوجه يحترق او يبقع

تابعي تجارب أخرى من هذا القسم.