شوفي اختي اكبر خطأ انك تنظمي الرضاعة بالساعات ,, جسمك يتعود ويصير مايطلع شي الا مثلا بعد ساعتين وانتي متعوده ترضعي كل ساعتين ,, خذي راحتك رضعي في كل وقت حتى يكون صدرك مستعد باي لحظه ولاتفكري وتشيلي هم .
التفكير والقلق يقلل الحليب ..ورضعي بمكان هادئ وبعيد عن الانظار ,, وبعد كل رضعة اشربي كاس ماء حليب عصير ... اي شي سائل .
وصدرك مو رضاعة تنتظريها تتعبأ عشان تعطيه .. هو يطلع من الغدد ومن توفر الرطوبه اللي بصدرك .. اذا ماكنتي تعوضي بعد الرضاعه جسمك يحس بالنقص ويرفض يعطي .
الشي الثاني ولدك اعتقد من كلامك صار يفضل الصناعي على صدرك لأنه يشرب بدون جهد ويشبع بسرعه ,, ماعنده صبر ينتظر على صدرك يبي يرضع بسرعه .. رضاع الصدر محتاجه جهد وطولة بال منه ومنك .
عطيه اللي موجود بصدرك الاول ثم عطيه الثاني وترعيه .. اشربي مويه او حليب وانتظري عشر دقايق ورضعيه مره ثانية راح تلاقي الحليب موجود وأكثر من الاول بإذن الله .. حاولي يكون الصناعي بالليل بس وهو نايم .
واسألي امك او اختك او خالاتك ,, احد من جهتك هل قدرو يرضعون طبيعي مع عيالهم ولا لأ ؟؟ احيانا تكون وراثه القدرة او عدم القدرة على الرضاعه .
اشربي شوربة الشوفان ممتازة ,, خذيت هالطريقة من دكتورة رضاعة تقول حطي كويكر مع قطعة ماجي , لكن انا اكره الماجي فاحمس بصل وطماط مطحون , تبين تضيفين لحم او دجاج خضار او حتى مفروم ضيفي براحتك ينكهها انا اسويها بدون , وخليه يطبخ شوي وخذي صحن بالليل وصحن بالنهار .
حللي كل فترة من الحمل اذا ماكنتي تستخدمي حبوب او معتمده على حبوب الرضاعة .. الحمل يغير طعم الحليب وتركيبته بسبب تغير الهرمونات ويرفض الطفل الحليب وممكن يضر الجنين والطفل ونفسك لو استمريتي .
آخر نصيحه اقدر اعطيك اياها وينساها كثييييير ويعتقدو ان ماله اهميه ,, الرضاعة تبدأ من والجنين في بطنك . تغذيتي صح وقت الحمل اعرفي انك بتقدري ترضعي صح بعد الولادة .
ماتغذيتي ومهمله وتقولي لأ وحام تعب وقرف فانتي وحظك .. غالب الحريم ماتقدر لأن جسمها بعد الولادة يفقد سوائل كثير غير اللي فقده فترة الحمل فيرفض يعطي قبل مايعوض النقص .. فتعتقد انها ماتقدر ترضعه والسبب هو اهمالها التغذيه وقت الحمل .
الله يسهل عليك والله الرضاعه متعبه ومحتاجه وقت وصبر .. يجيك ايام كويس وايام لأ خلي ببالك هالنقطه .
الرضاعة .. الرضاعة .. الرضاعة 👶🍼
متابعة النقاش، صفحة 4