شاركي في النقاش

سجلي الدخول لإضافة تعليق.

التعليقات

1,989
  1. @hlaty_1

    الله يسهلك يا رب وييسر لك ولادتك وتفرحين بالنونو اميييين يا رب

    ماعرف اذا حد ولد باليومين اللي غبت فيهم
    بس مبرووووك لكل الوالدات والحمدلله ع سلامتكم


    وانتو نفوسات كيف تتعاملون مع الطفل الرضيع؟!

    انا للحين ما فيني حليب والبنت كاسره خاطري احسها جوعانه 😥
  2. @hlaty_1

    وهذا اكشني الحمدلله
    مثل ما خبرتكم من فتره عندي آلام. وكان عندي موعد الخميس..
    المهم يوم الاربعاء كانت التقلصات طول اليوم منتظمه لكن ما وصلت لدرجة تمثال الحريه 😅
    الخميس رحت الموعد وسألتني الدكتوره عن التقلصات وخبرتها كيف كانت ولما فحصت لقت الرحم فاتح 1 سم 🙊 وسوت لي تحريض بدون ما تقول 😫😫
    وانا ع بالي جاني تقلص وقت الكشف واقولها خلصي بطني توجعني وقالت لي فتحته زياده شوي 1.5 سم تقريبا😫🏃🏃🏃
    المهم من خلصت موعدي والتقلصات القويه بدت .. لا عرفت اكل ولا اشرب ولا اتحرك
    وزوجي يقول خلاص شكلج بتولدين 😓
    ورحت بيت امي جهزت لي شاي زعتر وشربته مره وحده على امل يخف الوجع
    وامي ما خلتني اروح المستشفى تبي اوصل الحاله اللي تتكلمون عنها لكن بالنسبه لي وصلت مرحله الالم مستمر وابد ما قدرت استحمل
    ورحت المستشفى ساعه 9.30 الخميس مسا
    كشفت ولقت مفتوح بس 2 سم 😱
    عاد انا خلاص حيلي مهدود من الوجع واقول ما اقدر اروح البيت وانا اتألم شو اسوي هناك
    وجلست كل ساعه يقولولي انفتح 1 سم زياده
    الى ان وصل 4 وتوقف 😭😭
    انا هنا شفت الموووت وطلبت مسكنات بس ما رضو يعطوني واخر شي قلتلهم عمليه ما اقدر اولد طبيعي 😭😭 وطبعا رفضو
    وصرت اترجى دكتورتي وهي ترفض
    المهم قالت لي بشوف كم فاتح ورجعت سوت لي تحريض 😭
    وهذا الكلام كان ع الساعه 9 صبح الجمعه
    وبعد التحريض حما الطلق وولدت ساعه 12 تقريبا 😪😪
    والحمدلله رب العالمين


    الله يسهل للبقيه يا رب

تابعي تجارب أخرى من هذا القسم.