صباح الخير والبركة على صديقاتي في الكرف والنجاح
الياسمين يعافيك يارب اي لازم أتسابق معاك في غرفة النوم ياغالب يا مغلوب وطلعت عضلاتي هههه
بديت في التسريحة أمس نزلت كل ماعليها ومسحتها وقال لي زوجي نطلع نقضي أغراض البيت فرجعت على المطبخ
هههه وراي وراي المطبخ نظفت الثلاجة من الداخل ورتبت الخضار والفواكه والأغراض وأكياس الأغراض عملتها زي السمبوسة وحطيتها في الدرج الفكرة خذتها من موضوع في قسم التنظيف جزاها الله خير
بس ابشرك مانمت ألا أنا مخلصة التسريحة كامل حتى العطور مسحتها ورتبت الماكياج شرايك فيني شطورة صح هههه
أم جوري الليبية حياك معانا من ذوقك حبيبتي والله يسهل أمورك من عيوني اابشري بالطريقة
سارة زايد نتشرف حبيبتي أهل ليبيا أهلنا وحبايبنا من عيوني ان شاء الله باكتبها بالتفصيل وبتعجبكم ان شاء الله
ليتكم جاراتي أرسلت لكم صحن عصيدة
انجازي اليوم
بعد الأذكار فتح شبابيك البيت كامل
حطيت هاربيك المنظف ف دورة المياة انصحكم فيه رهيب للمراحيض
لميت الملابس وعلى الغسالة ركبت ملابس ملون
بخرت البيت
غسلت بعض الأواني في االمطبخ ونظفت المجلى مضبوط
عملت فطور وجيت اصبح عليكم
عصيدة التمر أكلة شتوية عندنا تدفي وتعطي طاقة والكل يحبها
ونعطيها للنفساء بعد الولادة وحتى في أيام الدورة مرة تنظف وتدفي
تاكل على كل وقت وأحسن شي فطور في البرد ياسلام أو عشاء مع القهوة العربية هذا مقدمة ودعايات صبرو علي هههه
الطريقة 3 أكواب ماء بحرارة الغرفة و3 أكواب ماء ساخن مسخن في الغلاية حتى نحصل على ماي دافي ولا يتكتل معانا الطحين
كوبين دبس تمر
وأذا ماعندك ممكن استبداله بتمر منزوع النوى يضرب بالخلاط مع شوي ماء من الموجود في المقادير حتى يسهل الخلط
4 أكواب طحين بر ( أسمر )
نضع الماء ودبس التمر في قدر على نار هادئة ونحرك بالسلك حتى يذوب الدبس أو التمر
ثم نضع الطحين بالتدريج ونحرك بالسلك
حطي رشة فلفل أسود ومكعب صغير زبدة ودخليه الفرن تقريبا نص ساعة واهي جاهزة اضربيها بمضرب خشبي احنا في الخليج عندنا مضرب يدوي للعصيدة والهريسة اذا ماعندك بالملعقة الخشبية تأدي الغرض
هذا المقدار يطلع لك ثلاث صحون وسط ممكن تحطي نص المقدار اذا حبيتي
حطي العصيدة في الصحن ولمعيها بالزبدة لاتكثري مكعب صغير يكفي وسوي حفرة بالنص بمغرفة الشوربة وحطي شوي زبدة ورشي عليها شوي فلفل أو حطي الفلفل جمبها اللي يبغى يحط حسب الرغبة وبالعافية مقدما
جدول خفيف وبيت نظيف (ملف الهمم 40)
متابعة النقاش، صفحة 35