وش لون يفكرون بعض هالرجال فعلا الله يعين بعض هالحريم

قال رباة حرمة قال !!
عاد من زين تربية بعض الرجال يا كثرهم اللي تربى على يدهم شوية خكارى و عيال شوارع ..
قوليها تحمد ربها اللي فكها من ناس عقلياتهم كذا
يعني بجد انعدم الاحترام
اذا الرجال عديم ذوق تجي حرمته تكمل الناقص اجل بالله ذا رد ينقال ( رباة حرمة ) ولا كمان تقوله في وجهها ..
وش فيها رباة الحرمة وش يعيبها !!
يا كثر ما شفت حريم بألف رجال والله ان الرجال يعجزوا يربوا مثل تربيتهم وبالنهاية يجي واحد عبيط يقول كلمة مثل هذي !!!
خلاص ما عاد فيه ذوق الناس صارت تستصعب الكلمة الطيبة اما الكلام الجارح مجهزينه على طول ..
و الارملة هذي الله يعوضها على صبرها و يجعلها تشوف اولادها في اعلى المراتب

والله هرجه جديده تربية حرمه الحمدلله والشكر
وش فيها اذا الام ربت يالبى امهاتنا بس الله يخليهم ويحفظهم ويرحم ميتهم

وانتي يالحبيبه من وين ؟! مره لهجتك تجنن (:

طبعا الرد اكبر غلط وان كان فيه شي من الصحة
بقلكم كيف..
الام لها تأثير قوي على عيالها بس الاب هو الي يربي
وهذه طبعا لـــــــــــــــــــــــــــــــــيست قاعدة مع الكل بس غالبا كذا
لدرجة احيانا يكون الأب موجود بس الولد واضح عليه تربية حرمة من علومه وسواليفه ودنفسته
الي المفروض يترفع عنها
المهمة ليست سهلة
التربية صعبة سواء ذكور ولا إناث
بس للذكر أصعب لانه نربيه للحمول الثقيله
وهذه كيف يتحملها الا اذا صار رجال فعلا !

اول مره اسمع بهالكلام مع ان اللي اشوفه قدامي ياكثر اللي ربوهم امهاتهم وصاروا افضل من اللي عند امه وابوه

ياربي ابشقق ملابسي واش هالتفكيير الغبي
ظلم واحتقار للمرأه يعني ماتنفع تربي
بالله من يقضي اطول وقت مع الطفل امه ولاابوه .الام تربي وتأكل وتلبس وتذاكر له وتعلمه الصح والخطا وبالاخير يقول ماتنفع تربايه الحريم
اذا هرج جماعتهاكذا مالها عازه بهم تخطبله من البعاد احسن بس تسأل وتدور زين