شوفي حبيبتي اول شي لازم تشغلين الؤقية الشرعية ببيتك عندك اليوتيوب اكتبي رقية الحسد الشيخ خالد الحبشي وخليها تشتغل بالبيت وشوفي اذا اختفى ان شالله انه حسد وراح .. واذا ما اختفى روحي الصيدلية البيطرية واشتري جاره ب 10 ريال علبه كبيره حطي منها غطا العلبه بس ببخاخ والباقي موية وبخي وامسحي المطبخ كامل والحقي النمل شوفي من وين يدخل وسكري فتحات الي يجي منها .. وشي مهم اذا كنتي تحطين بواقي الرز او الخبز عندك بالحوش او فوق السطح عشان الطيور ترى النمل يغزو بيتك بسببه جمعي الرز والخبز بكيس وانتو طالعين اي مكان حطيه بالبر على طريقكم بس وسط بيتك لا .. ان شالله اكون افدتك.. وكلكم شغلو الرقيه وسورة البقره بالبيت ..
نسيت اقولك ترى الجارة ممتازه وتنفع لكل الحشرات لاجا الصيف حطيها حتى بالحوش مايجي بيتك شي ابد .. ريحتها قووويه يعني اذا حطيتيها بالمطبخ لاتنسين على طريقك الله يكرمك البالوعة بالارض صبي فيها شوي وتصريف المجلى بعد شوي وقفلي المطبخ وخلي الشباك مفتوح لان ريحتها قوية ومزعجه واذا اطفالك ولا انتي فيكم ربو او حساسية حطيها وانتو طالعين من البيت عشان لاينكتمون بس فعالة في ابادة الحشرات بقووووه .. ونظفي بعدها بساعتين او من بكره وتختفي ريحتها خلاص بس يبقى مفعولها شهور