تبااااااشير 10مواليد نوفمبر وديسمبر 🎈🎊🎉

سماسم
مشكورة قلبي
اخبار يوسف لبس الشماغ 👼
خلصت اجازتك و لا لسه

شايله هم الدوام و البيبي فين اوديها 😕

فراولة منورة 💕
اخبارك بعد النقل ان شا الله ارتحت

صباح الخير
ام رموسه الحمدلله على كل حال وسلامتك بالدنيا كلها والعوض بولدك وبناتك ان شاء الله
ماقلت قصة ولادتي لاني مابي اعور قلوبكم لكن ام رموسه حمستني ومصابها اعظم من مصابي الله يخلف علينا
باذن الله بقول قصة ولادتي قريبا مع انها متاخره لكن بشارككم لاخر المشوار

رجعت لكم بقصة ولادتي 
طبعا كانت يوم الجمعة 20 صفر اللي هو 12 ديسمبر
ولدت قبل تاريخ ولادتي بيومين بس
مرة انضغطت الأيام اللي راحت وماقدرت أكتبها لكم
ما أطول عليكم نبدأ

طبعا من دخلت التاسع ماحسيت بأي بوادر ولادة مجرد مغوص ماتسوي وألم ظهر بسيط وحتي المشي مامشيت كثير تكاسلت هالحمل عكس حملي ببنتي يوميا أمشي بس ماقصرت بعمري كل يوم بالسوق مع أمي نأثث صالتهم هلكت
المهم نهار الجمعة حسيت بإفراز ومسحت بالمنديل طلع إفراز بدم فعرفت إنها السدادة كملت نومتي بعدها وكل شوي أحس بإفراز وأروح دورة المياه يطلع دم ثقيل تكرمون وعلي هالحال إلي الساعة 11 ونص طبعا ماحسيت بأي ألم لامغوص ولاطلق ولايحزنون
راح زوجي يصلي الجمعة ونبهته ينتبه لجواله لاصار شيء لاقدر الله ثم رحت أتوضأ لصلاة الجمعة ولما جيت أبطلع من الحمام صب شيء دافي علي رجولي لما ناظرت أرضية الحمام إلا مويا وبينها شيء أخضر عرفت إنها موية الجنين بس استغربت من الأخضر ببنتي مانزلت علي المويا فكتها الدكتورة وتذكرت إن بنتي برزت ببطني قلت أبد شكل هالأخضر الجنين برز وأدق علي زوجي وأتجهز ورحت للمستشفي وكشفت الدكتورة قالت بس 2 سم وما استغربت هالشيء لأن مافيه أي ألم وطبعا قالوا المويا نزلت والأخضر فعلا البيبي تبرز وماراح تطلعين خطر شوي جت دكتورة باكستانية غير الأولي وقالت بتكشف استغربت إلا طلعت الأخت تبي تسوي لي تحريض ولابلغتني وطلبتني أرخي جسمي دخلت يدها وتضغط بكل قوتها وتدف جسمها لعندي كأنها تبي تدفني كلي ياربي تذكرت لما نتكلم عن التحريض وكان فيه عضوة اسمها نس نس وتوصفه إن الدكتورة تدف بكل جسمها والبنات قالوا مو لهالدرجة طلع أردي من وصف نس نس مرة مرة مرة تألمت والحمد لله ماصارخت بس دموعي أربع أربع بدون شعور والمشكلة طولت وهي تضغط أحس كل ماتذكرن الموقف تجيني قشعريرة بعدها قالوا بدلي تنويم لما وقفت إلا الدنيا تحتي دم وأرجع انهار والدموع أربع أربع بدون صوت مدري وش جاني أحس الشيء اللي سوته فجعني وطلعت غرفة الولادة وجت الممرضة تبعي وكانت مرة خلوقة خففت عني حطت المغذي وجلست جنبي تسولف معي وتعلمني الوضع وكذا وقالت إنوا سووا لي تحريض يوسع الرحم عشان أولد ولو مافتح بالتحريض بيضطرون علي الطلق الصناعي أذن العصر والوضع مثل ماهو لا ألم والرحم مافتح فأعطوني طلق صناعي بعدها بدأ الألم ولما قاست قالت 3 سم واستمر الألم معي ولما أذن المغرب قاست نفسه 3 سم ماتغير بعدها الممرضة اللي عندي خلص دوامها وجت وحدة ثانية تضايقت لأنها مرة خلوقة والثانية ما ارتحت لها إلا طلعت أطيب من الأولي وقالت بتزود الطلق عشان يفتح وما أطول أتألم قلت زوديه أهم شيء أولد وطبعا الألم مستمر وخيرتني بين إبرة الظهر أو بالوريد أو كمام قلت مابي إبرة الظهر واللي بالوريد خليها لازاد الألم أعطيني كمام وبدأ الطلق يشد وينتظم وصار مرة مؤلم وطلبتها إبرة الوريد قالت خل الدكتورة قبل تكشف لو فتح زود أعطيتك كان وقتها 7 ونص والدكتورة الموجودة مدري وين هجت قالت خلاص ننتظر اللي تجي تسع وجلست أتألم والطلق منتظم ومتقارب مرة والوقت مو راضي يمشي وتجي تسع شوي وانهار المهن جت تسع وعدت خمس دقايق وماعاد قدرت أصبر وقلت للممرضة تنادي الدكتورة بسرعة وراحت تقول تو ماجت قلت خلاص أعطيني الإبرة مو شغلي قالت أبكشف ثم أعطيك كشفت وكانت الصدمة مازال 3 سم طيب والألم ؟ والطلق اللي ذبحني حتي الكمام مافاد فيه !
هي بس قالت 3 سم وأنا انهار قالت قولي يارب ثم جت الدكتورة وقالت أبكشف قالت الممرضة 3 سم  وأصرت وكشفت قالت 5 سم مو 3 سم فرحت مرة وبعدها الألم زااااد ماعاد قدرت أتحمل قمت صرخت علي الممرضة أبي المسكن وقلت بسررررعة كنت مؤدبة ومالي صوت بس لما طولت ماجابت المسكن الصرخة اللي صرختها كل المستشفي سمعها لدرجة رجعت الدكتورة ومعها وحدة ثانية وممرضتين ههههه سدحتني علي جنب وأعطتني الإبرة وقالت خلك علي جنبك وأنا ألف بسرعة علي ظهري وأفتح رجولي وأقول أبولد وأدفع بقوة كلهم انفجعوا وتجي الممرضة تقيس بسرعة وقالت ولادة 9 سم ويختبصون كل وحدة تجيب شيء وأنا كل ماحسيت بالدفع أدفع ماعلي فيهم وقامت تقول يلا ماما ادفع أكثر أكثر أكثر وحسيت بالراس وانهد حيلي تخيلوا 9 ونص بالليل وأنا علي عشاي اليوم اللي قبله بغيت أوقف الدفع مافيني حيل وتذكرت إني أبتعذب وواصلت دفع بكل قوتي لأن كيلي طفح وضغطت وهي تشجعني أكثر أكثر وحسيت بالراس نشب بغيت أبكي وواصلت دفع لين طلع وقالت لي خلاص ثم سمعت بكاه هنا أنا خلاااص غمضت عيني وأحس رحت عالم ثاني أحس أبي أنام مابي أحد يكلمني ولا أبيهم يلمسوني ولايخيطوني وجلست أحمد ربي اللي لجأت له بكلمة يارب وفرجها عني من 3 إلي 9 سم بعدها نظفتني وخيطتني وشالت البيبي وراحت جابت لي أكل رحمتني لأنها من قبل تقول مبين جوعانة بس ما أقدر أعطيك طلبتها كوب شاي مدري وش مزاجي هههه بس أبي شيء دافي شربته واسترخيت ورحت عالم ثاني بعد مابشرت زوجي وأهلي بكلمتين مابي أطول ههه ثم طلعوني تنويم وأخذوا البيبي يحممونه وأنا نمت لي ساعة قمت بعدها أحس مو مصدقة إني ولدت والكابوس راح يوووه ياثقلها ساعات الولادة خاصة لاطولت مثل وضعي من وحدة الظهر وولدت 9 و39 دقيقة بالضبط
اللهم لك الحمد حتي ترضي ولك الحمد إذا رضيت ولك الحمد بعد الرضا

 

بنات ابغي اسالكم عن قشر القهوه ...هل مطحون اخذه من العطار ...والزنجبيل بعد مطحون ...بس أغليهم مع بعض وخلاص ؟