اجلسي معاها وفهميها الصح من الخطا وقولي لها انها لا بد تتعاقب وشيلي الايباد عنها وقولي لها اذا بتبكين وتصارخين وتبينه عادي اعطك بس قبل اعلم امي او ابوي واشوف اذا عادي يعطونك وهي بتسمع كلامك والظاهر في برنامج يحظر كل هالشغلات من اليوتيوب ماادري وشو بس ابحثي عنه
شوفي سجل المشاهدات اذا مسجله ايميل باليوتيوب وبتعرفين وش تشوف الا اذا هي تعرف تمسح السجل
السجل مو مكان البحث ونبهيها ماتمسح السجل بطريقة غير مباشره مثلا تفتحين عندها مقطع لاي شيخ او محاضره وقولي السجل لاتمسحينه لاني ابي المقطع بكمله بعدين يعني من هالخرابيط وبتفهم وبتخاف تشوف عشان ماتمسح شيء
الله يهديكم ضيعتوا برائة الصغار بهالاجهزة والخرابيط ذي لا وبعد عندها نت وش هالتحضر اللي انتم فيه . الله يهديكم بس . بلا افلام كرتون بلا خرابيط وين سبيستون وام بي سي 3 يكفون . اتقوا الله فيهم . حملو لها العاب بس والكرتون تشوفه بالشاشه قدامكم . بس انا باوجهك لطريقة تتبعينها معها طالما طاحت ومحد درى عنها . مايصلح تعاقبينها لاننا وصلنا لجيل يتعمق بامور يجهله اللي اكبر منه مهما وصل بعلمه . وممكن يخبيها باي طريقه. احذروا الالكترونيات. تكلمي معها كانك تتكلمين مع كبيره . وقولي لها حرام اللي يشوف هالاشياء . يوم القيامه له عذاب شديد . وبالقبر بعد له عذاب وثعابين للي يشوف الحرام وعورات الاخرين. واللي يشوف هالحرام يبين عليه بوجهه ومن تصرفاته . لازم تقنعينها وتخوفينها من رئية هالاشياء بس بطريقه حلوه ومقنعه . لانها خلاص كل بداية اللي يطيحون بصور يطيحون باكبر اذا كبروا ومالقوا تحذير احمدي ربك ووجهيها وانتبهي لها . صادقيها خلي سرها عندك . لاتخلينها تخافك علشان تصير لك كتاب مفتوح كل شي تحكيه لما تشوفه انتي خلك الموجه والمتابع لها . وحذريها من الكلام عن اللي شافت لاي احد علشان محد يتكلم عليها وانتي عارفه الحريم . الله يستر عليها وبنات المسلمين ويحرم على بصرها وسمعها الحرام ويهدي كل مسلم .