عدسات أسنان اللومينير في جده

يا بناااات يا حلوات .. تعالو احكيكم عن تجربتي بعدسات الاسنان
بعد ما سالوني ناس كثييير عن اسناني و فين مظبطتهم حبيت اكتب دا الموضوع عشان اللي بيدورو .. انا من حوالي سنه كنت باجازه وطحت من علي البسكليته واتكسرت سنوني اللي قدام شوي ورحت اكتر من مركز اسنان وعملولي اسناني بس شغلهم كان سئ جدا بالنهايه الحمدلله قريبتي قالتلي على دكتور شاطر عملها تقويم وحشوات وكذا .. المهم رحت لعندهم وقام قاللي على اللومينير وعجبني جدا واخدت موعد عشان القياسات ودي الاشياء وركبلي هما والله يجزيه الخير من يومها وانا احس نفسي زي اللي بالتلفزيون وكل احد يسالني فين عاملتهم .. ميزة اللوميينير انه مايحتاج برد للاسنان ابدا ولا ابره ولا تخدير ولا اي شي فاللي حابه تعمل اسنانها زي تروح عند الدكتور محمد سيد في عيادات ريماس في جده هو دكتور سوري وماشالله عليه ممتاز .. أتمني اني اكون ساعدتكم واي استفسارات تانيه انا جاهزه :icon35:

9 تعليق 37,967 مشاهدة

شاركي في النقاش

سجلي الدخول لإضافة تعليق.

التعليقات

7
  1. @amny_zogha_1

    طيب هي زي العدسات يلصقونهاااا ع الا سنان ولا كيف ... وكم تكلفتهاااا ...وكيف مع الفرشاة والمعجون ما تتغير او تطيح
  2. @mtfayl_45

    سألتك بربك ذي تجربتك او دعايه منك ؟
    لان كثييييييييييير عيادات يسوون دعايات لنفسهم لا تثقون بكل شيء بنات انتبهوا
  3. صاحبة الموضوع
    هلا امنية زوجها .. هي تتلصق تلصيق على الاسنان زي مبدأ عدسة العين لما تلصق بالبؤبؤ .. وبدون برد وهي مرة قوية من يوم ماركبتها ما شاء الله وانا آكل عليها كل شي بس طبعا ما اكسر عليها الاشياء اللي مره قويه لانها حتتأذى زيا زي السن اللي ممكن يتكسر من الاشياء القويه .. وكلفتني تقريبا 2500 للسن فما ادري اذا لسه نفس اسعارهم ولا زادت ا نقصت يبغالك تدوري رقمهم علي جوجل وتتصلي وتسألي عن السعر عندهم
  4. صاحبة الموضوع
    هلا متفائلة .. منجد في ناس يشاركو وهما يكونو بيعملو دعايات !!! تصدقي من قريب كنت ابغى اسوي تنظيف بشره وبدور في المنتديات فحسيت في بعض الناس اسلوبهم دعائي فشكيت بيهم الصراحه .. وربنا يجزيكي الخير لانه منجد لازم ننتبه لانهم كذا شككونا بين الدعايه والتجربه الحقيقيه .. وبكذا موضوع تتعلق بالصحة لازم الصدق لانها امانه وربي يشهد
  5. @kl_alhdoooo

    انا سألت دكتور اسنان عن العدسات قالي ماتصلح للي اسنانهم منخوره من التسوس
    تصلح فقط للي اسنانهم سليمه ويعانوا من الصفار او التصبغات في الاسنان يعني هي للشكل الجمالي فقط
    اما الاسنان المنخوره ومحشيه مالها الا التلبيس

تابعي تجارب أخرى من هذا القسم.