شاركي في النقاش

سجلي الدخول لإضافة تعليق.

التعليقات

2,474
  1. @queen_0f_l0ve

    السلام عليكم
    شحالكم بنات وشخبار كروشاتكم ؟هههههههههههههههههههههه

    sweety_eyes
    الحمدالله على سلامتج وسلامت البنوته وتتربا يارب بعزكم وتفرحون فيها

    راعيت البوش
    شحالج؟ وشو اخبار الحمال معاج ؟
    مشششششششششششكوره حبيبتي وما اتقصرين . من كمن يوم رحت بيت اهلي وانا قاعده اشوف ابويه ياي ومعاه ابريج فيه لبن بوش والله ييتي عل بالي وشربت منه لين ماشبعت لاكن يخساره مكانو مسوين قرس يالله المره اليايه ههههههههههههه

    ام الريم
    شحالج ؟ وشو اخبار الوحام معاج انشالله خف

    واما عن اخباري بعد اسبوع بدخل التاسع وانشالله يارب اربي بسرعه لانى ابصراحه تعبت
  2. هاي قصة ولادتي

    اول شي انا طوفت موعد ولادتي و الي هو كان 4 / 8 و سرت المستشفى 5 / 8 و قالولي الرحم مفتوح 1 سم و كل يوم سوي نخطيط للقلب ثاني يوم سرت اسوي التخطيط فجاه دقات البيبي ضعفت و يت الدكتوره و قالتلي لازم عمليه انا من الزيغه تيبست وقالتلي في خطر اذا طلعتي على البيبي قلت خلاص بفوض امري لله و هالبيبي انا اباه لو بعمليه شاورت ريلي و قالي توكلي على و هذا انا منصدمه و امشي بدون حاسيه سار ريلي دفع لانه مستشفى خاص و دخلوني غرفه احس جنه سجن و بدلولي ثيابي و حلقتلي مكان العمليه و انا ساكته ادعي و اهلي يوني علطووول و حطولي جهاز تخطيط القلب انا هني تخبلت رد طبيعي و علطول اتصلت حق ريلي >>>كاشخه بالموبايل داخل خخخخخخخخخ و يابلي الدكتوره و قالت خلاص ماشي عمليه بس لازم طلق صناعي يبون بيزات بس مب عارفين كيف ....و عطوني هالطلق و تميت اعاني من الام و من قياس ايدهم و ماشي فايده مفتوح 1 سم و يوم الاثنين العصر قتلهم بطلع و مابي طلق صناعي الالام عالقاضي و طلعت على مسؤليتي و افتكيت منهم
    روحت البيت و انا اكل رطب و اشرب زعتر و مشيت فليل و رحت المستشفى الحكومي بعدها و طلع فيني طلق و طلعت على مسؤليتي بعد عبالي من تاثير التحاميل و رديت البيت و رقدت من التعب بس كان فيني الم و انا مطنشه نشيت الصبح وداني ريلي المستشفى الحكومي اسوي تخطيط و كانت الويعه تيني متقاربه بس ما بينت وايد في الجهاز روحت البيت تميت اتويع كل 5 دقايق و اقول لامي بعدني ما بربي بسير العصر بس قامت تيني كل 3 دقايق تقريبا هلكت ودوني المستشفى قراب الظهر ماحيد الساعه كم و كشفوا علي 3 سم و قام الطلق يزيد كل دقيقتين و انا اقولهم بمووت ابي مخدر ابي مخدر و الدكتوره تقولي يا بنتي استني انا هروح العمليات و اسلوبها خايس و ازقر ريلي اقولها يعصبون علي ما يحسون فيني خل يعطوني مخدر و هم مسوين لي طاااف و عطوني اكسجين عبالي مخدر و انا اشفط منه و بعدين اكتشفت انه مب مخدر و قلت حق امي يقصون علي هذا مب مخدر انا تعبت و انفتح علي الماي و بعدها النيرس رحمتني و يابتلي المخدر و طحت فيه تشفييييييييييط كل ما ايني الطلق اشفط حتى شفايفي تخدرت خخخخخخخخخخخخخ و تميت يمكن ساعتين و قمت ارجع و ينفتح الماي و كل ما ارجع يزيد الماي و بعدها قمت اصرخ شي بيطلع شي بيطلع يت دكتوره ثانيه و كان 7 سم و قالت الراس نازل ولااااااااااده علطوول يابولي كرسي متحرك قلتلهم مابي ودوني على السرير قالت النيرس مافي يالله قومي و هذا انا ميته من البرد مغطيني ببطانيتين و دخلت غرفة الولادة و انا اقولهم بردااااااااااااااااااااانه غطوني و قمت اتعصر قالتلي الدكتوره لا اااااااااا يوم بييج الطلق دزي و قمت ادز ابي اولد خلاص هلكت و انا طايحه تشفيييييييييييييييط في المخدر احس اصواتهم تتردد و مغمضه عيوني مابي اشوف شي و يوم ياني الطلق قمت ادزادز و في دوره ثانيه تضغط على بطني و ما عرف بعدها شوصار ما شفت غير ريول بنتي و يبون يخوزون المخدر و اسحبه عنهم و بنتي طلعت الساعه 2 : 58 الظهر و بعد ما خلصوا تميت اشفط اشفط اشفط والله احلى شي تحسين انج في عااااااااااااالم ثاني و قالتلي النيرس يالله نزلي على الكرسي قلتها ماروم ابي سرير قالتلي مثل ما يبتج قبل الحين بردج و نزلتني و غطوني ببطانيات لاني ميته من البرد و كانت الساعه 4 العصر و شفت ريلي و امي و خواتي و اخوي و ابوي حتى البشكاره يايه خخخخخخخخخخخ والله يوم شفتهم نسيت كل شي و كنت فرحانه بالرغم من كل التعب
    بس والله صح اني تعبت بس الحمدالله ولادتي كنت ميسره و مافي ولاده بدون الم هذا لاني كنت ادعي دوووم و انا حامل و الكل كان يدعيلي وقت ولادتي من اهلي الصغير و الكبير ووقفتهم وياي هونت علي وااايد ووقفت ريلي الله يخليه لي تكفيني ...و قتله يشتريلي من هالمخدر لانه عيبني خخخخخخخخخخخخخ
    عليكم بالدعاء و الاستغفار و ادعية الولاده لانه صدق وقت الولاده ماظني شي وقت تدعين من كثر الويع

    و اسمحولي طولت عليكم و ادري اني قلت قصة حياتي
  3. @am_khlyfh_5

    sweety_eyes الحمد الله على السلامه الغاليه وألف مبروك على المولوده وتتربى بعزكم ان شاء الله ...

    بنات انا سرت دبي والشارجه يوم الثلاثاء ورحت مدينة مدهش ولما رديت الشقه شفت دم نازل مني وامس رديت البيت بعد نزل مني دم بس خفيف ولونه بني . . تتوقعونه عادي ولا لا واليوم نزل مني بس اخف من قبل .. اختي تقولي انه شي طبيعي بس انا نزل مني 3 مرات ..

تابعي تجارب أخرى من هذا القسم.